كلام لمدونتى

خطر على بالى تصفح مدونتى 
لا اعلم مالسبب الذى جعلنى اتذكرها الان
كل مااعلمه انه عندما فتحتها شعرت بشعور غريب
هذا هو بيتى هذه هي حياتى التى عيشتها واحببتها
عالم افتراضي عشقته عن حق
حتى مع ترجمه بعض رموزه واشخاصه الى حقائق على ارض الواقع ادركت ان العالم الافتراضي اجمل بكثيييييييييييييييييير من الواقع
يكفى ان الامور كما هى 
الاشخاص كما هم 
النقاء كما هو
حتى الشر كما هو
اما الخروج الى الواقع فهو صدمه كبيره سترى اختلافا لا تصدقه
يارب الوم على اخرين وانأى بنفسي عن ذلك 
بالتاكيد انا ايضا على ارض الواقع اختلف عن هذه العالم الافتراضي
ااكد لانى تاكدت ان جل الاشخاص هكذا وتعودت ان اضع نفسي فى الموقف كما ان الوم على اي حد
ومع اننى تمنيت ان انزل للحقيقه واترك هذا العالم الافتراضي الا انه عندما نزلت فعلا ندمت وندمت كثيرا 
واستخلصت من كل ذلك
لاتتمنى ماليش فى يديك
لا تحلم به 
لاتعلم مافى هذا الحلم ولا مافى هذا الطريق 
انا عاشقه لهذا البيت
احس انى فى بيتى ووطنى
لى حق الاختيار والقرار
لى حق التفكير
اخطا واصيب احيانا لكن هذكذا دائما هو بيتك ووطنك
والا كيف لك ان تشعر بالانتماء والعطاء والعشق لهذا المكان
نحن جيل لم يحلم بحياه اكثرمن الحياه
لكن ارادوا لنا قتل هذه الحياه فاذا بهم رغما عنا وعنهم جعلونا نريد باكثر من الحياه العاديه
صرنا نريد قطعه من القمر يمكن ان يصل الى ان هذا الجيل عنده من العزيمه الى تسلق جبال فى سبيل تحقيق حلم اكبر بكثير من الحقيقه 
يارب هيئنا لما تحبه وترضاه وارزقنا حياه فى طاعتك 

اى كلام

 
كلام كتير جوايا مالقتش غير مدونتى
 هنا مافيش حد يعرفنى 
هنا انا بكلم نفسي واحيانا لا مش احيانا الكتابه بتخرج كتير من اللى جواك
صحيح مش عارفه ايه جوايا بالضبط

صحيح مش عارفه هكتب ايه 
لكن المهم عايزه اكتب 
فاكره لما كنا صغيرين وكنت احب قوى اشخبط او اكتب اى كلمه وافضل اشخبط عليها اوافضل اوصل الحروف ببعض لحد مايطلع اى شكل اى حاجه تعبير عن اللى جواك اللى هو فعلا لاشئ

اي كلام فى اى كلام

ماهى الحياه كلها دلوقتى اى كلام بعيد عن السياسه لكن اكيد فى اي وضع بنعيشه لما تلاقى اللى حواليك بيتقدموا وانت بتتفرج u feel like على راي ابو اسماعيل
انت بتتفرج وناس تانيه بتشتغل وناس تالته بتتكلم

طيب انت بقه ايه دورك (بكسر الراء) ولا كلام ولا شغل ايه دورى 
ليه مثلا الدوله ماتديش لكل واحد شغله يعملها حتى اذا كان فى بيتنا لكن برده اكيد احنا اللى لازم ندور 
لازم نفكر

يووووووووووووووووووووووه سياسه 
طيب ماهى حياتنا سياسه ازاى نحاول ننفصل عنها زى ماازاى ننفصل عن اى واقع مش حابينه فى حياتنا
لازم نتعايش مع واقعنا لكن فى نفس الوقت لازم يكون فى حياتنا حاجه حلوه حاجه تقوى 
يارب 
يارب 
يارب
اسفه انى قافله التعليقات لكن فعلا حابه اكلم نفسي ونفسي وبس
الى لقاء يامدونتى واكيد قريب باذن الله 
مبسوطه انى رجعت لحاجه من اكتر الحاجات اللى كانت بتفرحنى 
بجد فرحتينى يامدونتى


والله غالب على امره ولكن اكثر الناس لايعلمون


من الرئيس ؟! لله الأمر من قبل ومن بعد





سلامات يامدونين


اخباركم ايه عاملين ايه فى صراع المرشحين على الرئاسه ؟!


وهل ياترى انت واحد من المشاركين فى الصراع ده !


ولا انت اكثر من ذلك وبتزوده بس!!


طيب خلينا نفكر مع بعض


انت ليه معصب نفسك بمزاجك ولا غصب عنك
طبعا مالناش دعوه خالص باللى بيحاول يزيد الصراع وجزاؤه عند ربه


خلونا بقه فى اللى متعصب لمرشحه خوف على دينه وبلده


اولا هو الكون ده بايدك بلاش ده انت نفسك ليك فى نفسك حاجه


خلاص يبقى انا هستعين بالله على اختيارى واطلب من ربنا ان يلهمنى رشدي لكن برده خلينى عندى شويه حريه وفى مساحه انى ممكن اغير


طيب ليه انا مقتنع 
طيب نشوف رب العزه قال ايه


(وَلا تَقُولَنَّ لِشَيْءٍ إِنِّي فَاعِلٌ ذَلِكَ غَداً(23) إِلَّا أَنْ يَشَاءَ اللَّهُ وَاذْكُرْ رَبَّكَ إِذَا نَسِيتَ وَقُلْ عَسَى أَنْ يَهْدِيَنِ رَبِّي لِأَقْرَبَ مِنْ هَذَا رَشَداً) 


شفتوا ربنا قال ايه  لنبيه قاله ولا تقولن لاى شئ انى هعمله بكره 


طيب تعالوا نطبقها على نفسنا ماتقولش هنتخب ده ومفيش غيره
لا تعالوا نطبق الايه 


نقول هرشح فلان باذن الله لكن اذا فى نور ربنا نورهولى  لمرشح تانى يبقى هرشح التانى




انا وانت وانتى وهى وهو عايزين ايه




عايزين ربنا عايزين حياتنا يبقى راضي عنها


عايزين ننجح فى الاختبار وعشان كده لازم نستعين بالله لانك هتموت من القلق ان غلطه منى ولامنك فى ا ختيار تبق مصيبه لمئات السنين


طيب لسه بقولكم بلاش عصبيه وقلق كبير


يبقى عندنا احساسين يبان انهم متناقضين


الاول انى ابقى قلقان من خوفى على مصر قلبي مخطوف عشانها طيب مانامش ازعل ادايق


لا يااستاذ


خلينا نقول الاحساس التانى




اييييييييييييوه تمام كده يااستاذتى


التوكل على الله وطلب اعانته فى اختياراتى وانى اريه من نفسي خيرا ومش انا بس لا وكل اهلى واصحابي وامتى


طولت عليكم صح اكيد بتكلم كتير انا عارفه نفسي معلش كمان كام كلمه وخلاص


يوووووووووووووووووووووه برده بتكلم كتير خلينا فى موضوعنا


احم احم


طيب يعنى بقه نتوكل على ربنا


يعنى اعمل الاسباب اللى ربنا قالنا نعملها بس اخد بالى مش الاسباب دى هى اللى هتخلى ادلنيا تمشي زي ماانا عايز 


لا يا سيدي اللى هيحصل هو قدر ربنا


اللى هو معنى الايه اللى جايه ركز بقه




لِلَّهِ الْأَمْرُ مِنْ قَبْلُ وَمِنْ بَعْدُ وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ * وَعْدَ اللَّهِ لَا يُخْلِفُ اللَّهُ وَعْدَهُ وَلَكِنَّ أَكْثَرَ النَّاسِ لَا يَعْلَمُونَ * يَعْلَمُونَ ظَاهِرًا مِنَ الْحَيَاةِ الدُّنْيَا وَهُمْ عَنِ الْآخِرَةِ هُمْ غَافِلُونَ }


سمعت الايه دي او قراتها


ايوه اكيد انا كمان سمعتها


بس اول مره اقراها النهارده وافهمها


ياااااااااااااااااااااااااااااااااااه على القران لما تفهمه مش تقرا  كده وخلاص


طبعا ده بعيدا عن اللى مش بيفتحه المصحف خالص
 اكيد انت ماتعرفهمش


اكيد اكيد!!!!1


عموما!
 ولا انا كمان اعرفهم دول فى المريخ واكيد ماعندناش سفينه نروح هناك


افتكر معلومه على جنب كده مصحفك هو اللى هيرجك من اي التباس عندك بس افهم واسال مش بس تفسر من نفسك




خلونا نكمل ونفهم ربنا بيقولنا ايه


بيقولك يامتعصب
 لله الامر من قبل ومن بعد يعنى قبل ماتتعصب وبعد مااتعصبت  لله الامر من قبل ومن بعد واجلميل فى الايه انى ربنا بيقولنا ويومئذ يفرح المؤمنون يعنى يااستاذ ماتشكش للحظه فى نصر الله  وتاكد ان وعد الله حق


وفى نفس السوره اللى منها الايه السابقه (سوره الروم) ربنا بيأكد لينا تااااااااانى




فَاصْبِرْ إِنَّ وَعْدَ اللَّهِ حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ


بس زي ماشفنا لازم فاصبر وتأكد وعد الله حق


بس امتى!!!!

دي بقه مش بتاعتى ولا بتاعتك ولا بتاعت مرشحك 


دي بتاعت ربك وربي وربنا جميعا
سبحانه بيده ملكوت السموات والاارض


فاهم يعنى ايه يعنى ربنا بيده كل حاااااااااااااااااااااااااجه 




طيب اسمع كده الايه دى


(وَمَا قَدَرُوا اللَّهَ حَقَّ قَدْرِهِ وَالأَرْضُ جَمِيعاً قَبْضَتُهُ يَوْمَ الْقِيَامَةِ وَالسَّمَوَاتُ مَطْوِيَّاتٌ بِيَمِينِهِ)(الزمر:67) 




الله
احبك ربي


انا اول مره دلوقتى اكتب اسم السوره لان اسم السوره مهم جدا دي سوره الزمر


اللى اهم معنى فيها هو الاخلاص


أَلَا لِلَّهِ الدِّينُ الْخَالِصُ 


الدين الخاااااااااااااالص يعنى لوجه الله وفقط وفقط




يعنى هتنزل تلزق صوره لمرشحك وهتدعوا اهلك واصحابك يرشحوه ليه عشانه لا عشانك 




لا ياكابتن لله وفقط


اتفقنا كده


يبقى هعمل اسبابى اللى ربنا قالنا نعملها لانه سبحانه يريد ان يرى من نفسنا خيرا ولاننا خليفه الله فى الارض
لكن متوكل حق التوكل ان ربنا بيده الملك




 بس فى حاجه  هل ممكن تحصل حاجه وحشه؟؟؟


طيب سؤال تانى حاجه وحشه بالنسبه لمين وامتى؟!!


تاكد انت شايفه دلوقتى وحش (ده مين وامتى)


بس مش انت اللى بيدك الامر ولا انت اللى بترتب امتى 


الله وحده له تدبير فى كونه وملكوته 


بس خلونا احنا بس نبايع ربنا وهنلاقى يد الله فوق ايدينا وهيسدد خطانا وهتلاقى الحاجه الصغيره ربنا بيكبرهاااااااااااااااا وعملت نتيجه كبيييييييييييييره


بس زي ماقلتلك الاخلاص و حسن التوكل




معلش ربع كلمه كمان عارفه انى طولت قوىىىىىىىىىىىىىىىىى




وهى انى اللى هيرشح حد غير من مرشحك ده اخوك على فكره وصاحبك وجارك اللى انتوا طول عمركم صحاب 
يبقى ايه 
يبقى مااقولش انت طلعت واحد تانى وعايز الكرسي وحد تانى يقولك انت بتكره الاسلام


no absolutely






ده اللى طول عمرك عايش معاه 


سيبك من الاعلام اللى مش عايز غير فرق تسد وانت قبلى عارف انه عايز كده مش سر حربي ولا حاجه


جيبتش انا سيره املجلس العسكري


no never absolutely



يبقى لما واحد يقنعك بمرشحه سمعله وبطل تخونه من فضل معاليك واطلع من المناقشه دى وانت حبيبه اكتر من الاول




ومش عصبيتك ولا نرفذتك هى اللى هتعمل حاجه ولا هتغير حاجه


افتكر معايا اخر ايه


 { وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ}




معلش اخر تلت كلمه 


التعليقات مغلقه بأوامر عليا وقريب هتسمعوا خبر حلو ونفتح التعليقات




تحياتى لاحلى مدونين



فى ذكرى سقوط الاندلس ومعه اطلاله على فتح الاندلس لمحمد نصير


فى ذكرى سقوط الاندلس

مسجد قرطبة الكبير
الأندلس ليست بمكان ولا زمان, بل هي تجربة حضارية إنسانية لا مثيل لها استمرت تنير ظلمات العالم زهاء الثمانية قرون من الزمان. وفي الذكرى الـ 520 لسقوطها دعوني أحاول المرور -دون إطالة- على الخطوط العريضة، وأحكي لكم حكايتها.. حكاية الأندلس.

معنى كلمة الأندلس

كانت الأندلس تحت حكم الإمبراطورية الرومانية، ثم احتلتها قبائل إسكندنافية تُدعى الفاندال, فسميت الأرض فندالوسيا, ثم أندلوسيا, ثم الأندلس عند المسلمين.

مقدمات الفتح

فتح المسلمون شمال إفريقيا حتى وصلوا للمحيط الأطلنطي في أقصى الغرب، وكان أمامهم خياران, إما مواصلة الفتوحات جنوبًا في الصحراء الكبرى حيث الكثافة السكانية القليلة والمناخ القاسي، أو الزحف شمالاً إلى الأندلس حيث مملكة القوط والمدن المكتظة بالسكان. ففضلوا الخيار الثاني؛ لأنه كان أفضل لنشر الإسلام، وتوصيله لقطاع عريض من الناس.

عصر الفتح

في عام 710م وفي عهد الخليفة الأموي الوليد بن عبد الملك جهز والي شمال إفريقيا موسى بن نصير جيشًا بقيادة طارق بن زياد لفتح الأندلس. عبر طارق المضيق -الذي سمي باسمه لاحقًا- على رأس سبعة آلاف رجل، وهزموا جيشًا للقوط في جنوب الأندلس. ثم توجه لطارق بن زياد ملك القوط لذريق على رأس جيش جرار، ودارت معركة حامية في مكان يُعرف بوادي برباط، انتصر فيها المسلمون وكسروا شوكة القوط في هذه البلاد نهائيًّا.

استمر طارق بن زياد في التوغل إلى عمق الأندلس حتى فتح إشبيلية وطليطلة، وانضم له بعد ذلك موسى بن نصير على رأس جيش آخر حتى فتحوا معًا كل ما يُعرف الآن بإسبانيا والبرتغال في عام 713م.

عصر الولاة

والمقصود بعصر الولاة أن الأندلس في تلك الفترة كان يحكمها والي يعينه الخليفة الأموي. وكان أول الولاة هو عبد العزيز بن موسى بن نصير, وتعاقب على حكم الأندلس في هذا العصر 22 واليًا في 44 سنة هي عمر هذا العصر.

من أهم سمات هذا العصر دخول الإسبان في الإسلام, ونشأة جيل المولدين الناتج عن تزاوج العرب والبربر بالسكان الأصليين, واتخاذ المسلمين مدينة قرطبة عاصمة لهم, وامتداد الفتوحات لتشمل أجزاء من جنوب فرنسا.

ومن أعظم ولاة تلك الفترة السمح بن مالك الخولاني الذي صال وجال بجيوشه في فرنسا, وعبد الرحمن الغافقي الذي أنشأ مصانع السلاح وتوسع في الزراعة, وغيرهم من الولاة العظام. إلا أن الولاة في نهاية هذا العصر اتسموا بالضعف والميل الزائد إلى الترف, حتى كادت الأندلس أن تتفكك. لكن جاءتها معجزة في صورة رجل يبدأ معه عصرنا التالي.

عهد الإمارة الأموية

بعد سقوط دولة بني أمية في دمشق وقيام الدولة العباسية هرب أحد أمراء بني أمية من بطش العباسيين وراسل الأندلسيين وخطب ودهم، وعلم أنهم ضاقوا ذرعًا بولاتهم الضعاف الذين كادوا أن يضيعوا البلاد. فانطلق إلى الأندلس وحارب هؤلاء الخونة، واستتب له الأمر وبدأ به عهد الإمارة أو الخلافة الأموية في الأندلس.

هذا الرجل هو عبد الرحمن الداخل الذي يعرف بصقر قريش. عمل عبد الرحمن الداخل على تقوية الجيش وتطهير الشرطة والقضاء، وأعاد الأندلس كما كانت بل أقوى وأفضل. كما أنشأ أسطولاً بحريًّا واهتم بميزانية الدولة. وكان عهده عهد ازدهار, وتوالى بعده الخلفاء..

ثم عاشت الأندلس فترة ضعف أخرى حتى جاءها قائد عظيم آخر من أحفاد عبد الرحمن الداخل يُدعى عبد الرحمن ناصر, في عهده بلغت الأندلس أوج مجدها, وهو أعظم ملك أوربي على الإطلاق بشهادة الأوربيين أنفسهم, شهد عهده طفرة علمية ومعرفية واجتماعية كبيرة.

عهد الدولة العامرية

مات الحكم بن عبد الرحمن الناصر وابنه صغير السن، فقام قبل وفاته بتعيين مجلس وصاية على الطفل والخلافة مكوَّن من أم الصبي والحاجب وقائد الشرطة، وهو يمني يُدعى محمد بن عامر. طمع محمد بن عامر في السلطة ووصل إليها بالمكائد، وكانت هذه بداية عهد الدولة العامرية التي لم تستمر طويلاً، واتسمت فترة حكمها بالقلاقل.

عهد ملوك الطوائف

بعد انهيار الدولة العامرية نشب صراع على السلطة في الأندلس، انتهى بتقسيمها إلى سبع ممالك صغيرة, ثم قُسمت بعد ذلك إلى اثنتين وعشرين مملكة أو دويلة تحكم أسرة كل واحدة منها, ومن أشهرهم بنو عباد وبنو الأحمر.

تصارع ملوك الطوائف فيما بينهم، بل وكانوا يستعينون بأمراء الممالك الأوربية المحيطة على قتال بعضهم البعض. فاستعان أحدهم بالقشتاليين على أخيه فسقطت سرقسطة في أيديهم, ثم طليطلة ومدن أندلسية كثيرة.

عهد المرابطين والموحدين

جاءت دولة المرابطين من المغرب العربي، فانتشلت الأندلس مؤقتًا من الضياع الذي أوقعها فيه ملوك الطوائف. ثم جاءت دولة الموحدين فأزاحت المرابطين، وحكمت مكانهم, واندلعت الفتن وظهرت الانشقاقات في كل موضع حتى سقطت قرطبة عاصمة الخلافة الإسلامية في الأندلس، ثم تلتها بلنسية حتى سقط معظم الأندلس، ولم يبق منها إلا مملكتان؛ مملكة غرناطة وكان يحكمها بنو الأحمر, ومملكة إشبيلية.

ثم وقع ابن الأحمر معاهدة مع القشتاليين أدت إلى اشتراكه معهم في حصار إشبيلية، والقضاء عليها. ولم يبق من الأندلس كلها إلا مملكة غرناطة الصغيرة في الجنوب.

مملكة غرناطة

ظل ملوك غرناطة من بني الأحمر يدفعون الجزية لمملكة قشتالة, وتركوا الجهاد، واهتموا بالماديات فأخذت مملكتهم -الصغيرة أصلاً- تتآكل شيئًا فشيئًا. ومع اتحاد مملكتي قشتالة وأراجون بزواج ملك الأولى فرناندو بوريثة عرش الثانية إيزابيلا - زاد الضغط على مملكة غرناطة, فأعد الزوجان جيشًا جرارًا وحاصرا غرناطة، التي لم يستطع ملكها الضعيف الصمود في وجه هؤلاء, فوقع اتفاقية على التسليم..

سلمهم مفاتيح غرناطة وخرج منها يبكي بحرقة, ثم توجه إلى المغرب حيثُ حوكم هناك بتهمة الخيانة العظمى، وسُجن حتى مات. ويُقال: إن أولاده شُوهدوا يتسولون في شوارع مراكش, فسبحان المعز المذل!!

وبذلك تكون الأندلس قد سقطت تمامًا سنة 1492م.

المسلمون بعد سقوط الأندلس

ظل المسلمون يعانون طويلاً بعد سقوط الأندلس من التنصير الإجباري والإبادة الجماعية ومحاكم التفتيش, كما قاموا بثورات متفرقة عبر السنين أشهرها على الإطلاق ما يعرف بثورة البشرات.

وفي عام 1614م أعلنت السلطات الإسبانية رسميًّا تمكنها من طرد جميع السكان المسلمين والقضاء عليهم, إلا أن هذا ليس صحيحًا تمامًا, فقد أخفى بعض المسلمين إسلامهم، وظلوا يعلِّمونه لأولادهم جيلاً بعد جيل.. وبهذا تنتهي حكاية الأندلس.

المصدر: مدونة نصيريات.

تعقيبا على الاحداث الراهنه فى مصر

كلمتين وبس


اولا مفيش اي تراجع عن الانتخابات احنا دلوقتى نزلنا لان اخواتنا بيموتوهم فى التحرير لكن مش معناه خالص اننا موافقين على تاجيل الانتخابات

لازم الانتخابات تبقى فى موعدها  علشان المجلس السمكري (على راى اخويا)
ده يمشي ونخلص بقه مافيهوش كلام ده

لكن لما الاقى الناس اشلاء جنبي يبقى لازم اساعدهم واقف جنبهم واقول للمجرم انت مجرم وزباله وقذر وحيوان لما تصوب على عين اخوك

الكلب ده مطلوب حيا ويستحسن ميتا  شر قتله
 ده متخصص ضرب نار على اعين المتظاهرين
وادى الفيديو دليل واضح 




وصدق اللى قال الناس نوعين

ناس كويسه وظباط




ثانيا 
ارفض بشده مجلس رئاسي 
وارفض بشده حكومه انقاذ وطنى برئاسه البرادعى


هو البرادعى ده ايه كل شويه ينط علينا ساعه لما يبقى فى منصب

ايه القرف ده

احنا اللى نقرر( اذا حصل وقبلت استقاله شرف وحكومته) مش هما

لكن مواد فوق دستوريه وناس تتفرض علينا تانى  لا
لا 
لا
البرادعى ده بالظبط زي المواد فوق الدستوريه

البرادعى كمان موافق على المواد الدستوريه
والمظاهرات والنار اللى والعه فى البلد كلها كانت علشان الوثيقه الزفت دي


اجيب انا واحد موافق عليها


حرام عليكم هتجنونا 

اذا كنا اصلا ماتجنناش 
نسيب البلد وخلاص علشان ترتاحوا

منك لله ياسلمى 
منك لله
منك لله ولعت فى البلد وموت زهره شباب مصر
حسبنا الله ونعم الوكيل


اللهم اجعل مصر واهلها فى امانك وضمانك وامانك

ملحوظه لمن يهمه الامر
(انا حاولت اقرب وجهات النظر يارب انت كمان تقربها)

حرام اللى بيحصل فى التحرير وحرام اكتر لما ماتقفوش جنبهم






ادى الامن فالح بس يقف فى ادام الشعب اللى المفروض انه بيحميه

الصوره من امام مديريه امن ااسكندريه



يار ب اهدينى وامسك اعصابى وانا بكتب



ايه الاجرام اللى بيحصل فى التحرير ده


والاهم وهيموتنى وهيجننى ازاى فى ناس بتقولك فوتوا الفرصه عليهم دول بيعملوا كده علشان يياجلوا الانتخابات


انتخابات!!!؟
 ايه الناس دى ايه


ناس بتموت

اللى بينتقدهم بيقول انهم متخلفين اغبيا فكروا غلط دماغهم متركبه شمال عايزين يفضلوا طول النهار فى الشارع انا بقول اللى بينتقدهم بيقول ايه

لما اعترض عليهم اقتلهم واموتهم ليه


لييييييييييييييييييييييييه
هما مش دول اخواتنا واهلنا 

وانا قبل مااى حد يتكلم انا مع التيار الاسلامى قلبا وقالبا  ولسه من فتره اعترضت جدا على اى حد يهاجهم على الملا رغم اختلافى احيانا معاهم


بس قلت لازم الصوره  الاعلاميه تفضل كويسه ولما ننتقدهم ننتقد بينا وبين بعض


وعلشان مااظلمش حد

ايه البيانات والمواقف بتاعت الاخوان والسلفيين دى

مين اللى منزلها


اذا كان الميدان كله اخوان وسلفيين و6 ابريل وكل طوائف الشعب

ايه بقه الناس اللى قاعده على مكاتبها وكل شويه ينزلولنا بيان ولا تصريح

وبعدين هو الشيخ حازم ابو اسماعيل عايز ياجل الانتخابات لما قال نعتصم


مش ممكن تكونوا انتوا بس اللى بتفهموا


انا رايي وحره جدا فيه

الميدان كله اخوان وسلفيين واللى بيطلع البيان ده ناس فاضيه
وحالا هنلاقى الليبراليين طالعين يقولوا التيار الاسلامى حرم الخروج فى المظاهرات
ولما المجلس العسكري يمشي وهيمشي ان شاء الله هيقولولكم انتوا ركبتوا الثوره


بجد انا مش عارفه قيادات التيار الاسلامى بتفكر ازاى


دى اول نقطه


النقطه التانيه اللى بجد جابت اخرها معايا


زباله الداخليه دول مش هيرحمونا بقه


مش هيمشوا ويريحونا منهم

مش عايزينهم مش عايزينهم مش عايزينهم

على راي واحد متصله على الجزيره مباشر ربنا يكرمها يارب

قالت لما الداخليه ماشاء الله موجودين كده امال سايبين البلطجيه والحراميه وقطاع الطرق ليه

فالحين بس يضربوا فى الشعب اللى نازل يطالب بحقه حتى اذا كان شعب غبي مش عارف مصلحته ولا مضحوك عليه ولا ليه مصلحه سياسيه

هو انا لما اختلف مع انسان يابنى ءادمين اقتله


وفتنه ايه اللى بتقولوا عليها هى لبانه

فتنه ايه وفى ناس بتموت وفى ناس اتصابت 
فتنه ايه وانا بطالب بالجيش يمشي فى ابريل

هو مش قال خلال 6 شهور هيبدا اجراءات تسليم السلطه للمدنيين
كويس اننا سبناه وسكتنا كل ده والبلد اتخربت وباظت

فتنه ايه وانا بقول مفيش امن وفين الشرطه
فتنه ايه والجامعات والمدارس فيها ارتباك


فتنه ايه  ومفيش مصر اصلا

ارجوكم ترحمونا
ارجوكم 
ارجوكم




اسفه انى قافله التعليقات  بس لانه مش وقت تعليق




وقت اننا ننزل نساند اخواتنا واهلنا ونرجع مصر لينا ونشبت بجد اننا عملنا ثوره






« Older Entries

اخر الاخبار

Pages

عن المدونه

هذه مدونه شخصيه لصاحبتها جيجي والعالم


بمعنى ان كل اللى فيها يخص جيجي والعالم وافكارها الفضائيه المجنونه

اللى اهم حاجه فيها انها حره فيها

مش هي دي الديمقراطيه يادعاه الديموكراسي

مدونتى هذه هي انا

(إِنَّا نَحْنُ نُحْيِي المَوْتَى وَنَكْتُبُ مَا قَدَّمُوا وَآَثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ) [يس : 12]

صلى الله على محمد صلى الله عليه وسلم

صلى الله على محمد صلى الله عليه وسلم
اجمل مكان رحته فى حياتى سلاما لأهل هذا البلد

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ

أوقات الصلاة لأكثر من 6 ملايين مدينة في أنحاء العالم
الدولة:

I favor the Syrian Revolution

I favor the Syrian Revolution
myspace hit counter

مش المهم انا مين المهم هبقى ايه

اخلص دعاء ممكن تسمعه -اللهم تقبل منك ياابي واجعله ربي برحمتك وفضلك فى الفردوس الاعلى من الجنه

حتى لاننسي

انت رجل وان كنت لا اعرفك

انت رجل وان كنت لا اعرفك
ربنا يعزك زي ماانت محسسنى بالعزه

ثوره على ضفاف النيل

ثوره على ضفاف النيل
اللهم تم علينا النعمه وول علينا خيارنا ولاتول علينا شرارانا

فرحه مصر

فرحه مصر
يااااااااااااااااااااه يامصر انا بحبك قوى

فرحه مصر

فرحه مصر
انا مسلمه مصريه وافتخر

اللهم احسن خاتمتنا وتوفنا وانت راض عنا

اللهم احسن خاتمتنا وتوفنا وانت راض عنا

الفريق سعد الدين الشاذلى

الفريق سعد الدين الشاذلى
اللهم اجزه عنا خير الجزاء واجعله عندك مع النبيين والصديقين والشهداء

الفريق سعد الدين الشاذلى : الولاء لله اولا

اشاره مرور المدونه اوعى تمشي فى الاتجاه العكسي