كل عام وانتم والامه الاسلاميه جميعا بخير

كل عام وانتم بخير


تعالى نقسم موضوعنا تلت نقط بس

عارفه ان فى ناس بتتخنق من النقط دى
بس علشان نحدد بس الكلام فى ايه



اولا





اللهم اغفر ذنوب السنوات الفائته وسامحنا يارب
وتقبل منا اعمالنا الصاحله واجعلها خالصه لوجهك


اللهم اهدنا واهد بنا



يارب السنه القادمه يسرنا فيها لكل خير ويسرلنا كل رزق حلال ترضاه واهدنا لكل عمل صالح مخلص

يارب نشوف عزه للاسلام والمسلمين يارب


اللهم ارزقنا الاخلاص وثبتنا على الايمان
يارب تبقى احلى سنه فى عمرى وعمركم يارب




ثانيا

وفاكركم وافكر نفسي بالحديث الشريف الروعه
عن أبي هريرة رضي الله عنه قال: قال رسول الله صلى الله عليه وسلم: «أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ» [رواه مسلم 1982].



يلا علشان ربنا يحبنا ويرضى عناهنتقرب الى الله بصيام كام يوم فى الشهر غير طبعا صيام عاشوراء وفضله العظيم

وشوف حبيبك رسول الله صلى الله عليه وسلم قال ايه
استحباب صيام تاسوعاء مع عاشوراء:
روى عبدالله بن عباس رضي الله عنهما قال: «حِينَ صَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمَ عَاشُورَاءَ وَأَمَرَ بِصِيَامِهِ قَالُوا يَا رَسُولَ اللَّهِ، إِنَّهُ يَوْمٌ تُعَظِّمُهُ الْيَهُودُ وَالنَّصَارَى، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "فَإِذَا كَانَ الْعَامُ الْمُقْبِلُ إِنْ شَاءَ اللَّهُ صُمْنَا الْيَوْمَ التَّاسِعَ". قَالَ فَلَمْ يَأْتِ الْعَامُ الْمُقْبِلُ حَتَّى تُوُفِّيَ رَسُولُ اللَّهِ صَلَّى اللَّهُ عَلَيْهِ وَسَلَّمَ» [رواه مسلم 1916].

قال الشافعي وأصحابه وأحمد وإسحاق وآخرون: "يستحب صوم التاسع والعاشر جميعاً; لأن النبي صلى الله عليه وسلم صام العاشر، ونوى صيام التاسع"।





ثالثا


احب كمان انوه عن مدونه مش هنسكت


http://marwa-elsherbiny.blogspot.com/

وضيفوها للى لسه ماضفهاش

انا بعرض غيه قصه الفتوحات الاسلاميه للدكتور راغب السرجانى ومن اجمل ماقرات وبدانا بوستين فى الموضوع ده
وهنبدا بفتح مصر والكلام عن سيدنا عمرو بن العاص رضى الله عنه


ادعوكم للقراءه هتستفيدوا قوى زي مااستفدت وعلى فكره لازم نفهم ونعرف علشام مفيش حد يتكلم عن دينا وعلى عن رسولنا ولا صحابته رسولنا الكريم صلى الله عليه وسلم ويوقول احداث غير حقيقيه

اول شئ للدفاع عن دينا هو معرفه الحقيقه
وكل عام وانتم بخير

اجمل رحلات العمر واعذرونى على الاطاله

سلام عليكم ورحمه الله وبركاته

نظرا لان فى ناس طلبت منى كتير احكى عن الحج وانا بصراحه مش فى نيتى خاااااااااااالص احكى فهقولكم عن مقتطفات تنفعنا وتنفع كل واحد رايح يحج بعد كده باذن الله يعنى هكتب نقط




اولا

تاكد ان الرحله دى لما ربنا يكتبها لانسان يبقى من عنده وحده وانت ليس لك اي شان فى الذهاب لهذا البلد الامين لا فلوسك اللى خلتك تروح ولاشطارتك ولانك مفيش حد متدين زيك لكن هو رزق وفضل من المولى عزوجل
وبالتالى حتى اللى مش متيسر له الحج اما ماديا واما اى ظروف تانيه زي اي بنت مش عارفه تروح علشان مفيش محرم
ادعوا ربنا بيقين ان ربنا هيستجيب طيب ازاى وكيف وده مستحيل لا مش مستحيل سبحانه اذا اراد شيئا فانما يقول له كن فيكون اطلبوها من ربنا دلوقتى بكل ايمان وبكل يقين ان ربنا يرزقكم بالحج والعمره السنه القادمه
ده اولا بلاش نطول

ثانيا

لان اول ماحطت الطائره فى المملكه العربيه السعوديه كان على بلد الحبيب محمد صلى الله عليه وسلم فبوصيكم تطلبوا من ربنا الزياره لهذا البلد
ولاجمل مكان ممكن تروحله فى حياتك مش قادره اقولكم على جمال المدينه المنوره

على اخلاق اهلها على شباب وبنات الحرم المدنى


مش هقول غير ان هذا البلد ادبه سيد الخلق حبيبى محمد رسول الله ورسول الاخلاق والانسانيه والموده ياه على البلد دي ياه على كل حاجه فيها الله على المسجد النبوى وعلى الروضه وعلى عبير الجنه الموجود فى الروضه


تخيل الحديث بين بيتى ومنبرى روضه من رياض الجنه



يعنى دي حته من الجنه علشان كده بساطه الناس هناك تلاقى واحده مصريه تظغرط



تلاقى دموع حد تانى بتنزل ان اسوء انسان جاى عند اعظم واشرف خلق الله



ياه مش ممكن فى روعه فى الدنيا واحنا مش حاسين واحنا مأجلين الذهاب للحج والعمره والزياره للروضه


ونقول مش دلوقتى وانا كنت حد منهم


كنت عايزه لكن مش بالشوق او باللهفه اللى المفروض تكون موجوده



اطلبوها دلوقتى بلاش تترددوا وقول بحبك يارسول الله يامعلم الانسانيه



فعلا لازم يكون اهل المدينه كده زي ماكان رسولنا الكريم كده حتى مع اعداؤه



تذكرون جميعا القصص التى تحدثت عن عنف احد المشركين او احد الصحابه قبل الاسلام وكيف ان رسول الله بخلقه العظيم وحلمه الجميل رد عليه بكل ادب النبوه



انا شفت النماذج دى فى اهل المدينه


ازاى حلمههم على الناس


ازاى مش ممكن يتنرفذوا رغم ان البلاد بالذات التى لاتتحدث العربيه ليهم سلوكيات غلط كتير


لكن هما عندهم حلم غريب



فعلا حقىقى ادبهم سيد الخلق

يارب اجعلنا على نهجه وخطاه ومش عايزين اكتر من كده

انك تكون راضى عنا ويبقى لينا صفات اعظم الخلق رسول الحب والانسانيه والوفاء والحلم


ياه يارسول الله من نحن حتى نمدحك

وسبحانك يارب حينما تحب احدا تجد وتمن عليه بكل هذه الصفات وترزق الناس حبه لدرجه لايمكن وصفها


صلى الله على محمد صلى الله عليه وسلم


اللهم صلى على محمد وعلى ال محمد كما صليت على ابراهيم وعلى ابراهيم انك حميد مجيد وبارك على محمد وعلى ال محمد كما صليت على ابراهيم وعلى ال ابراهيم انك حميد مجيد



اللهم ارزقنا حبك وحب من يحبك وحب عمل يقربنا الى حبك

كفايه اللى يقول انه ممكن يوصف مشاعره فى المسجد النبوى يبقى كدااااااااااااااااااااااااااااااااااااااااااااااااااااااااااااب من هنا لبكره


الحمد لله يارب نعمه كبيره يارب اقدر قيمتها


اعوذ بك من الرياء ومن سوء الاخلاق نيجى

لثالثا


وهو مكه المكرمه

وبيت الله الحرام
ولن اقو لاكثر من انه بيت الله الحرام له حرمه ومهابه لان بيت الله الحرام اعذرونى لن اتحدث عن بيت الله الحرام فمن انا العبد اذليل الذى يحكى عن قصر احد الملوك ولله المثل الاعلى فهو قصر الخالق مالك الملك سبحانك


يارب ارزقنا جميعا هذا الخير


رابعا



ناتى للمناسك وهى اروع مما يتخيل احد وحتى اذا كان هناك مشقه فهنا تكمن روعه الحج واحساسك بكل شئ


فعلا دينا بيربي وبيربي كويس قوى


يارب اهدينا جميعا


بس برده حاولوا تروحوا الحج وانتم صغيرين لانه فعلا مشقه وعلشان تستمتع حقيقى حاول كمان تحج ماشيا اولا لان المواصلات صعبه جدا



ثانيا المسافه فى المشى بالتاكيد اقل فى الوقت الزمنى من الركوب

لان الزحام رهيب وشديد

نقطه على جنب الحج ماكانش قليل اولا

لان اللى راحوا بدون ترخيص كانوا كتير وبالتالى مادخلوش فى العد ايوه فى ناس خافت وماراحتش ودول على فكره معظمهم من اهل الخليج

اولا حجوا كتير فالبتالى عادى حتى منهم بعثه لاحد الدول الخليجيه لما جت يوم الترويه ولقت المطر رهيب رجعوا تانى بنفس الباص الى بلدهم وقرروا انهم مايحجوش رغم انهم وصلوامنى لكن زي مابقولكم هما حجوا اكتر من مره والحج عندهم ارخص واسهل كتتيييييييييييير من عندنا ففضلواانهم مايحجوش السنه دى


لكن مفيش واحد من اي بلد تانى قال مش جاى او اعتذر علشان الانفلوانزا او السن

لانها رجاؤه من الله سبحانه وتعالى ويعنى لما ييجى يقوله لا

اكيد لا




ربنا يتقبل من الحجيج حجهم ومن كل واحد عمل عمل صالح ربنا يتقبل منه ومننا جميعا


نرجع لموضوعنا الحج ماشيا متعه طبعا للاسف ماتيسرش ليا اعمل كده لظروف معينه

الحمد لله طبعا ان اصلا حطينا رجلنا هناك


ايه كمان ايه كمان


اه


فحاولوا تروحوا صغيرين وان تيسر حاولوا يكون معاكم صحبه لناس فى اعمار صغيره

علشان ماتكسلوش بعض وتعينوا بعض على الطاعه وعلى التقوى تمام كده



خامسا بقه



ودى اهم حاجه

اياك واياكى وحذارى من الفتاوى هناك



اياك تستهون وتقول الحج عرفه
ويبقى لافى يوم ترويه اللى هو طبعا اليوم السابق لعرفه واللى بنقضيه فى منى واللى بتتصلى فيه خمس صلوات قصرا بغير جمع كما عملنا سيد الخلق عليه الصلاه والسلام واللى بتصلى فيه خمس صلوات ظهر وعصر ومغرب وعشاء وفجر يوم عرفه


اياك تستهون بده وتطلع تروح على عرفه وخلاص من اليوم اللى قبله زي ماكل البعثه المصريه عملت وبتعمل كده من زمان على اساس ان الحج عرفه


يعنى ايه ازاى يعنى



انا لاقيت كمان بعض الحملات لحجاج الداخل بيروحوا على عرفه وخلاص

فالمهم حاول حتى تروح لوحدك يوم الترويه الى منى


ياجماعه بلاش نضيع الدين كده ومدام مش فرض يبقى مش هعمله كانك بتمن على ربك انك جيت

استغفرك ربي واتوب اليك



طيب مالرسول صلى الله عيه وسلم قال خذوا عنى مناسككم صلى الله عليه


كمان وحضرتك او حضرتك مسافرين لازم تقرا عن الحج والعمره

وتعرف ان فى حاجه اسمها فرض

وفى حاجه اسمها واجب وده يجبر بهدي

وفى حاجه اسمها سنه

يعنى ممكن يكون المنسك مش فرض لكن واجب عند بعض العلماء

وده زي المبيت فى منى ايام التشريق
الحمد لله مفتى البعثه طلع فتوى ان الرسول صلى الله علي وسلم ماجاش منى وماباتش فيها ووكلوا ياجماعه وروحوا اقعدوا فى مكه

فتوى كارثيه وطبعا سياسيه

وطلع ان هم هنا فى مصر قبل مايسافروا متفقين على الفتوى

وطبعا اولا الامام مالك شدد جدا فى الموضوع ده وقال حتى مش بس يجبر بهدى المبيت فى منى لا ده عن كل يوم هدى يعنى يوم يبقى خروف واحد
واتنين اذا كان يومين وهكذا

وافتكر احد الشباب قاله ياشيخ يعنى اوكل واروح اقعد فى مصر تريقه طبعا

طبعا كتير حاول يعترض لكن طبعا دي تعليمات ومش كل واحد قرى كتابين يبقى عارف كل حاجه


وهى دى كانت ردود مفتيين البعثه


على فكره يستوى فى ذلك حجاج القرعه والجمعيات والسياحه الا بعض حجاج السياحه كان معاهم شيوخ زي الشيخ محمد حسان او يعقوب وطبعا كانوا ما بيرضوش ابدا بالمهازل دي بل كانوا متشددين اكثر من اللازم



من الحاجات الواجبه كمان والللى الناس بتطنش وتقولك مش فرض هو المبيت فى مزدلفه وده المكان اللى لما بينفر الحجيج يوم عرفه بينفروا عليه ويصلوا فيه المغرب والعشاء جمعا وقصرا ويبيتوا فيه الى الفجر ثم منه الى منى للمبيت ولرمى الجمار

خدوا بالكم من دى فى فرق بين المبيت وبين رمي الجمار يعنى مش اللى توكل تقول هروح اقعد فى مكه ولااسافر مصر وانا موكه الرمى وانك توكلى حاجه والمبيت فى منى حاجه تانهي خاااااااااالص ده واجب يجبر بهدي وهنيجى للموضوع

ده بعد شويه


نرجع لموضوعنا بالنسبه للمبيت فى مزدلفه والرسول صلى الله عليه وسلم رخص للنساء ولكبار السن بالنفر من مزدلفه الى منى بعد منتصف الليل وعدم الانتظار للفجر


احنا بقى الحمد لله مش مهم نروح

والبعثه كل سنه تمشى عند منتصف الليل كبار وصغيرين وهو كده



الا السنه دي سبحان الملك العظيم

اللهم لك الحمد والمنه


البعثه قالت هنفضل لحد الفجر

وللاسف الشديد كان المعترض المره دي الحجيج باعتبار انها سنه والرسول صلى الله عيه وسلم رخص يبقى مش مهم المبيت


وكانت مشكله طول الليل وربنا الهادى


المهم حاول حتى تروح لوحدك وتبات


كمان الفتوى اللى طلعتها مصر والى وافق عليها كتير برده فى السعوديه

موضوع الرمى عند منتصف الليل لليوم المقبل يعنى ارمى الرمى بتاع غدا فى اليوم اللى قبله بعد منتصف الليل وطبعا فتوى غريبه وماتفهمش ازاى هل احنا كمسلمين يبدا يومنا من منتصف الليل يعنى بنصوم من الساعه 12
ولا من الفجر


وعلى فكره امام واحد من الاربعه هو اللى اجاز الرمى من الفجر وباقى الائمه قالت من بعد الزوال

ايا كان مفيش حد قال ارمى اليوم القادم فى اليوم اللى قبله بعد منتصف الليل وانا يعنى لما بصلى قيام ليل ببقى بصلى لليوم اللى بعده ولا لنفس اليوم




يومنا يبدا من اذان الفجر
يعنىفى فى زكاه الفطر
اللى يتوفى بعد منتصف الليل من اخر يوم شعبان عليه زكاه فطر طبعا لا

لكن من عليه زكاه الفطر اللى يموت بعد اذان الفجر من اول يوم رمضان لان ده حضر رمضان او جزء حتى اذا كان بسيط لكن الاول اللى مات بعد منتصف ليل اخر يوم من شعبان هو مات فى شعبان وحضرش اي وقت من رمضان فده مش عليه زكاه فطر


حاجه غريبه وكل الناس راحت ترمى لليوم اللى لسه ماجاش بعد منتصف الليل من اليوم اللى قبله وتقولهم ياجماعه استنوا لما اليوم ييجى وياذن الفجر حتى يقلوا احنا مقتنعين بالكلام ومعاكى او معاك- حسب اذا كان الناصح ذكر او انثى - فى كلامك بس اذا كان غلط يبقى الذنب فى رقبه اللى قالنا
।
।
।
।
।



وده اس التهريج اللى بتشوفه هناك



انك تعلق غلطك فى احد المفتيين

طيب انت عرفت الصح ومتاكد منه
واقتنعت بيه
ليه تقول مش مهم


واذا كان الراى ده غلط يبقى فى رقبه الشيخ اللى قالنا


لا معلش انت كمان وانتى عرفت الصح وعندك عقل ومخ ليه مابقاش حريص انى اعمل مناسكي صح واعمل حج زي مالنبي صلى الله عليه وسلم عمل



طبعا انا طولت بس حبيت اقولكم على اهم نقط تاخدوا بالكم منها نقرا كويس نعرف ايه الفرض وايه الواجب اللذى تركه يجبر بهدي نعرف ايه السنه


ومانقولش مش مهم السنه

لا نعملها اقتداءا بالنبي صلى الله عليه وسلم تطبيقا للحديث الشريف خذوا عنى مناسككم



اخر نقطه واهم نقطه تقريبا



سادسا




وهى غير المتحدثين بالعربيه هناك لازم كلنا بجد نحاول نحسن اللغه الانجليزيه
علشان نعرف نتواصل معاهم واذا تيسر نعرف لغاتهم يبقى خير كبير زي الاوردوا والفارسي والتركي ولغات جنوب شرق اسيا انا مش عارفه اسمها ايه

ولازم يكون على الاقل معانا كتب نهاديهم بيها علشان اذا شفناهم بيعملوا حاجه غلط اذا ماعرفناش نكلمهم



لازم هناك تهادى اللى تقعد جنبه باى شئ قلم ازازه برفان اي حاجه تلاقيها معاك لازم نحس اننا واحد جنسيات مختلفه ايوه وابيض واسود واحمر لكن كلنا بيجمعنا دين الاسلام لازم نقرب ونتعرف ونحب بعض ولما تلاقى واحد مثلا اسود وانت ابيض وحسيته مكسوف منك ومن التعامل معاك لانه فاكر انك انت احسن عشان ابيض وربنا الاعلم انه ممكن يكون احسن منك مليون مره لازم انت تتكلم معاه وانت اللى تحسسه انه احسن منك مليون مره عند ربنا ثم عندك وممكن تكون دى فعلا الحقيقه وفى اغلب الاحيان هى دي الحقيقه لان انت عارف دينك وبتلاقى اللى يعرفك لكن هو عنده ايمان اكبر من المعرفه بالدين هى اللى خلته ثابت على طريق الاسلام وبيهاجم بكل شراسه حملات التنصير الرهيبه فى بلده






لازم يحسوا ان كلنا واحد هو ده معنى الحج

لازم نثبته

وهنثبته


استاذنكم هرفع التعليقات لغرض ما فى نفس يعقوب




ماتنسونيش من دعوه بظهر الغيب

الله يباركلكم ويعزكم ويعز بينا الاسلام والمسلمين وييسرله لنا جميعا الحج والعمره وزياره مسجد نبيه صلى الله عليه وسلم مرات ومرات



سلام عليكم ورحمه الله وبركاته

احلى صور تشوفها فى حياتك ومعاه اروع فيديو شفته فى عمرى

وهذا الفيديو من اجمل الفيديوهات التى يمكن ان تراها فى حياتك
وموجود على اليوتيوب اللى يحب ياخده ويحطه عنده

الا صحابه رسول الله صلى الله عليه وسلم

سلام عليكم ورحمه الله وبركاته

وانا بتفرج على المدونات وبشوف المواضيع المختلفه فى معظم المدونات



لفت انتباهى موضوع او هما موضوعين لكن بنفس الفكره ونفس المضمون





شوفوا ان بعلنا امام كل الناس اياك حد يمس حد من مقدسات المسلمين واذا كنت قبل كده كنت بخاف منهم فانا مش هخاف من حد حد تانى زى صاحبه لقد خلقنا الله احرارا اللى مش عاجبه الاسلام بقوله ان اكيد ربنا برده مش عاوزك ولا الاسلام مايشرفوش تبقى من اهله مش انت اللىمش عاجبك

واياك منك ليك ليها تمس صحابه رسول الله -صلى الله عليه وسلم- بكلمه
والله وانا فى مكه والمدينه ولما شفت الشيعه مابقتش اقول غير اللهم ارض عن ابو بكر وعمر



احنا اللى هنتكلم عن الصحابه على اساس ايه

اللهم ارض عن الصحابه جميعا يارب



اوعوا اسمع تانى حد يتكلم عن سيدنا عمرو بن العاص رضى الله عنه
على فكره هو تهديد

وعلى فكره انا عصبيه ومتعصبه للدين ده

انا حره

ومتاكده انى مش لوحدى وان كلنا وفى مليون هيقول انا كمان هبقى حائط سد منيع قوى شديد امنع عن دينى ومقدساتى اى معتدى


وارجوكى ياصاحبه لقد خلقنا الله احرارا بروعه مقالك وكلامك تكتبلنا بحسك التاريخى قصه دخول سيدنا عمرو بن العاص مصر




وانا هعرضها هنا وعلى مش هنسكت




مين هيقول انه هيقف ضد الهجمه اللى بتتصيد واحد من اخيار الصحابه




انا هقول اول حد وحتى اذا كنت لوحدى هجيب قصص عنه واشوف القصص اللى بتتقال دى صحيحه ولا ايه بالضبط




كمان د ستيته كتبت عن قصه فعلا كلنا بنرددها وسبحان الله فعلا قصه مش حقيقيه

يارب كل واحد بيحمى الدين ده وبيقول كلمه ترضى ربه تعينه عليها وترضيه
وتيسرله يقول كلمه الحق ياااااااااااااااااارب



ويارب تزود عدد المسلمين فى الكيف مش فى الكم انا دعيت كده هناك
وبعدين قلت هدعى يارب زودهم فى الكيف والكم



يارب نبقى مسلمين كما تحب وترضى يارب
دى قصه دستيته

شفوها هنا
http://mosh3arfa7aga.blogspot.com/2009/12/blog-post_06.hatan
ودى الكلام اللى زي السيف اللى كتبته لقد خلقنا الله احرارا


http://bohaelsabah.blogspot.com/2009/11/blog-post_22.html

حقيقه عمرو خالد - د محمد العوضى

منقول

هذه القصة تستحق القراءة

كتب محمد العوضي في جريدة الرأي العام الكويتية:

' بعد أن شاركنا في مراسم غسل الكعبة المشرفة صباح يوم السبت الماضي، دعانا الشيخ / عبد العزيز الشيبي

حامل مفاتيح الكعبة لتناول الفطور عنده, وهناك التقيت بعض من شارك في هذه المراسم منهم الداعية / عمرو خالد ، صاحب الضجة التي ثارت حوله في القاهرة بسبب تأثيره الإيجابي على الفنانات. ، وعلمت منهما أن الأستاذ / عبدالله الفايز وكيل إمارة مكة المكرمة، قد دعاهما إلى العشاء مساء الأحد مثلما دعاني، وجاء اللقاء، وكان من ضمن الضيوف، إمام الحرم الشيخ / سعود الشريم، والدكتور/ ناصر الزهراني، والدكتور / سعيد بن مسفر، ومن ضمن المسائل التي أُثيرت، سؤال طرحته على الحاضرين، قلت: كنت بين المغرب والعشاء في زيارة للأستاذ المفكر الإسلامي / محمد قطب ، وكونه حاصلا على جائزة الملك فيصل، على كتابه «منهج التربية الإسلامية» سألته: يا أستاذ من وجهة النظر التربوية، ما ر أيك في منهجية وإرشادات الداعية عمرو خالد، فقال: إنه يملك موهبة فذة وظفها في خدمة دينه، قلت له: بعض الناس يرى أنه ليس عالماً ومن ثم لا يجوز أن يأخذ هذا الحجم من الانتشار، قال قطب: كثير من العلماء عبارة عن خزانة معلومات مغـلقة، أو نسخة من مكتبة، وهذا الداعية لم يقل إنه فقيه، وكون عليه ملاحظات، فمن ذا الذي ليس عليه ملاحظات، علينا النصح والتجاوز عن هذه العثرات في سبيل الانتفاع من الخير الكثير الذي يعطيه للناس، لأن المقابل هو النسخ المكتبية!!

علق إمام الحرم الشيخ / سعود الشريم قائلاً: علينا أن لا نحصر معنى كلمة «فقه» في مدلولها الاصطلاحي، وإنما الفقه في اللغة يعني الفهم، فكما أن هناك فقه الأحكام، هناك فقه الدعوة وفقه السيرة، وفقه المعاملة,,, وما يقوم به عمرو في جذب الناس ومعرفة مخاطبتهم هو أيضاً نوع من أنواع فقه النفوس ،،، ..

توجهت بالسؤال إلى عمرو خالد فقلت: حدثنا عن أكثر ما أثر فيك من نتائج بثك الفضائي؟ فأحنى رأسه وسكت قليلاً، ثم تدفق قائلاً: بعد أن تكلمت عن معنى «العفة» في قناة ( ال بي سي ) جاءتني رسالة عبر البريد الإلكتروني، من فتاة تقول: أنا فتاة اسمي «سارة» والدي لبناني مسلم، وأمي لبنانية مسيحية، انتقلا إلى فنزويلا، وبعد فترة انفصلا عن بعضهما ليتزوج كل منهما بمن يناسبه، وبقيت أنا حائرة شاردة، وقد رزقني الله جمالاً أخاذاً فانزلقت قدمي لأنضم إلى مسابقات ملكات الجمال هناك، حتى انتهى بي المطاف إلى العمل في بار!! وصار لي «بوي فرند» ونسيت ديني بل نسيت أني مسلمة، ولم أعد أعرف عن الإسلام إلا اسمه ولا عن المصحف إلا رسمه وفجأة كنت أتابع قناة ( ال بي سي ) من فنزويلا لأنها قناة لبنانية، رأيتك يا عمرو خالد تتكلم عن العفة، فلأول مرة أشعر بالخجل من نفسي، وأنني أصبحتُ سلعة ًرخيصة ًفي أيدي الأوغاد،،، انشرح صدري، وأنا لا أعرف مسلماً سواك.

ثم قالت،سؤالي لك: هل يقبلني الله وأنا الغارقة في الموبقات والآثام .. !! أجبتها عن سعة رحمة الله وفضله وحبه للتائبين، فأرسلت تقول: أريد أن أصلي ولقد نسيت سورة الفاتحة,,, أريد أن احفظ شيئا ًمن القرآن، قال عمرو: فأرسلت لها بالبريد المستعجل ختمة مسجلة كاملة بصوت إمام الحرم الشيخ / سعود الشريم - وكان يجلس بجوار عمرو - وبعد ثلاثة أيام أرسلت سارة تقول: إنني حفظت سورة «الرحمن» و«النبأ» وبدأت أصلي، ثم أرسلت تقول: لقد هجرت' البوي فرند' وطردته، كما أنني انفصلت عن مسابقات الجمال، والبار,,,, وبدأت تقبل الفتاة على الله سبحانه بصدق، لقد وجدت ذاتها لأنها عرفت ربها.

بعد أسبوعين من المراسلات، أرسلت تقول: إنني متعبة لهذا انقطعت عن مراسلتكم وأصابها صداع وآلام شديدة، وبعد الفحوص والكشف الطبي، قالت لنا: يا عمرو، إنني مصابة بسرطان في الدماغ، والعجيب أنها قالت: أنا لست زعلانة بل فرحانة، لأنني عرفت ربي وأحببته وأقبلت عليه قبل المرض والبلاء، وأنا داخلة على العملية المستعجلة بعد يومين، وأنا خايفة ألا يغفر الله لي إذا ُمت، فقلت لها: كيف لا يغفرُ الله للتائبين لقد أكرمك الله بهذه العودة إليه وبحفظ سورة «الرحمن» وأنت الآن بين يدي أرحم الراحمين,,, وفتحنا لها أبواب الرجاء وطردنا من نفسها اليأس، فقالت: لقد وضعت أشرطتي لترتيل القرآن بصوت إمام الحرم الشريم في المسجد مع أشرطتك، لأنني قد أودع الحياة، لتكون لي صدقة جارية، وبعد يوم أرسلت لنا صديقتها المسيحية تقول: لقد ماتت سارة,,, هذا موجز القصة وسيفصلها عمرو في سلسلة ندواته الرمضانية لهذا العام.

عندما خرجنا من العشاء كان الأخ كامل جمعة يقود السيارة ، وفي الخلف أنا وعمرو، قلت له ماذا نستطيع أن نقدم لسارة، فهمس في أذني قائلا:ً إلى الآن اعتمر لها اثنان وأهديا ثواب العمرة لها، قلت من هما: قال الأول أنا والثاني زوجتي، كان للخبر أثر كبير على نفسي بعد أن وصلنا إلى باب الفندق سلمت عليه قَبَّلْتُه على قصة سارة، ثم عانقني وعدنا إلى البلاد، ولن تنتهي خواطر الكعبة. '

تعليق الكاتب على المقالة:

نحن الآن في عصر اصبح العالم فيه بيتا ًصغيراً...... فهل كان عمرو خالد وفقه الله يعلم أن فتاة ًفي فنزويلا سوف تعود إلى الله بسبب محاضرةٍ له نقلتها الأقمار الصناعية إلى هناك ... !!

وهل سعود الشريم يدرك انه قد يكون نائما ًفي فراشه في منتصف الليل في مكة ....... وصوته يصدح بالقرآن في مناطق شتى من العالم ....... ومنها فنزويلا النائية في آخر العالم ... !!

وهذا معناه حسنات لا تنتهي ..... وذلك فضل الله يؤتيه من يشاء.... سوف تقولون عنهم انهم محظوظون !! وأنا أقول لكم: نحن أيضا ًقد انعم الله علينا بنعمة الانترنت....... فلنغتنم الفرصة ما دام القلب ما زال ينبض ...... !!!

سبحان الله وبحمده....... سبحان الله العظيم

مَنْ كَانَ لَهُ سَعَةٌ وَلَمْ يُضَحِّ فَلَا يَقْرَبَنَّ مُصَلَّانَا

السلام عليكم ورحمه الله وبركاته


جزاكم الله خيرا كثيرا وهدانا واياكم الى سواء الصراط


وارجو من كل شخص ان يسامحنى على اى خطا صدر بعمد او بغير عمد وسامحونى على عدم الرد على الاميل الخاص فانا لست الا بشرا يرجو رحمه ربه
اللهم رحمتك وغفرانك وعفوك وكرمك علينا وعلى جميع المسلمين

اللهم ارزقنا الاخلاص قولا وعملا
اللهم اجعل عملنا كله خالصا لوجهك الكريم


اليكم بعض احكام الاضحيه ولنتذكر جميعا عظم اجر الاضحيه وكيف ان النبي صلى اله عليه وسلم وصانا بها كما فى الحديث الشريف

عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "مَنْ كَانَ لَهُ سَعَةٌ وَلَمْ يُضَحِّ فَلَا يَقْرَبَنَّ مُصَلَّانَا". أخرجه ابن ماجه (2/1044 ، رقم 3123) ، والحاكم (4/258 ، رقم 7565) وقال : صحيح الإسناد. وصححه الألباني (صحيح الجامع ، رقم 6490). قال العلامة السندي في "شرح سنن ابن ماجه": قَوْله (سَعَة) أَيْ فِي الْمَآل وَالْحَال قِيلَ: هِيَ أَنْ يَكُون صَاحِب نِصَاب الزَّكَاة (فَلَا يَقْرَبَنَّ مُصَلَّانَا) لَيْسَ الْمُرَاد أَنَّ صِحَّة الصَّلَاة تَتَوَقَّف عَلَى الْأُضْحِيَّة بَلْ هُوَ عُقُوبَة لَهُ بِالطَّرْدِ عَنْ مَجَالِس الْأَخْيَار وَهَذَا يُفِيد الْوُجُوب وَاللَّهُ تَعَالَى أَعْلَم। انتهى كلامه رحمه الله تعالى. وقد ذهب إلى وجوب الأضحية على القادر ربيعة والأوزاعي والليث والمشهور عن أبي حنيفة أنها واجبة على المقيم الذي يملك نصابا (أي نصاب الزكاة).

بعض احكام الاضحيه

الحمد الله رب العالمين , والصلاة والسلام على نبينا محمد وعلى آله وصحبه أجمعين وبعد

فقد شرع الله الأضحية بقوله تعالى :{ فَصَلِّ لِرَبِّكَ وَانْحَرْ }[الكوثر :2] وقوله تعالى :{ وَالْبُدْنَ جَعَلْنَاهَا لَكُم مِّن شَعَائِرِ اللَّهِ }[الحج :36]وهي سُنَّة مؤكدة ويكره تركها مع القدرة عليها لحديث أنس – رضي الله عنه – الذي رواه البخاري ومسلم في الصحيحين أن النبي صلى الله عليه وسلم (( ضحى بكبشين أملحين أقرنين ذبحهما بيده وسمى وكبر ))

।وقد سُئل الشيخ محمد بن عثيمين – رحمه الله - :



هل يقترض الفقير ليضحي ؟
فأجاب : ( إن كان له وفاء فينبغي أن يقترض ويقيم هذه الشعيرة وإن لم يكن له وفاء فلا ينبغي له ذلك ) ।

ممَّ تكون الأضحية ؟

الأضحية لا تكون إلا من الإبل والبقر والضأن والمعز لقول الله تعالى :{ مَنسَكًا لِيَذْكُرُوا اسْمَ اللَّهِ عَلَى مَا رَزَقَهُم مِّن بَهِيمَةِ الْأَنْعَامِ }[الحج :34] ।

ومن شروط الأضحية : السلامة من العيوب
قال رسول الله صلى الله عليه وسلم : (( أربعة لا تجزئ في الأضاحي : العوراء البين عورها , والمريضة البين مرضها , والعرجاء البين ضلعها , والعجفاء التي لا تنقي )) [رواه الترمذي

وقت الذبح :بداية وقت الذبح بعد صلا ة العيد لقول الرسول صلى الله عليه وسلم : (( من ذبح قبل الصلاة فإنما يذبح لنفسه , ومن ذبح بعد الصلاة والخطبتين فقد أتم نسكه وأصاب السنة ))[متفق عليه ] ।ويُسنُّ لمن يحسن الذبح أن يذبح أضحيته بيده ويقول : بسم الله والله أكبر , اللهم هذا عن فلان ( ويسمِّي نفسه أومن أوصاه ) فإن رسول صلى الله عليه وسلم ذبح كبشاً وقال : (( بسم الله والله أكبر , هذا عني وعن من لم يُضح من أمتي )) [رواه أبو داود والترمذي] ، ومن كان لا يحسن الذبح فليشهده ويحضره.

توزيع الأضحية : يسن للمُضحي أن يأكل من أضحيته ويهدي الأقارب والجيران , ويتصدق منها على الفقراء قال تعالى :{ فَكُلُوا مِنْهَا وَأَطْعِمُوا الْبَائِسَ الْفَقِيرَ }[ الحج :28] وقال تعالى :{ فَكُلُوا مِنْهَا وَأَطْعِمُوا الْقَانِعَ وَالْمُعْتَرَّ } [الحج 36] وكان بعض السلف يحب أن يجعلها أثلاثاً : فيجعل ثلثاً لنفسه , وثلثاً هدية للأغنياء , وثلثاً صدقة للفقراء । ولا يعطي الجزار من لحمها شيئاً كأجر .

فيما يجتنبه من أراد الأضحية :إذا أراد أحد أن يضحي ودخل شهر ذي الحجة فإنه يحرم عليه أن يأخذ شيئاً من شعره أو أظفاره أو جلده حتى يذبح أضحيته , لحديث أم سلمة رضي الله عنها أن النبي صلى الله عليه وسلم قال : (( إذا دخلت العشر وأراد أحركم أن يضحي , فليمسك عن شعره وأظفاره )) [رواه أحمد ومسلم ] , وفي لفظ : (( فلا يمس من شعره ولا بشره شيئاً حتى يضحي )) وإذا نوى الأضحية أثناء العشر أمسك عن ذلك من حين نيته , ولا إثم عليه فيما أخذه قبل النية .ويجوز لأهل المضحي أن يأخذوا في أيام العشر من شعورهم وأظفارهم وأبشارهم .وإذا أخذ من يريد الأضحية شيئاً من شعره أو ظفره أو بشرته فعليه أن يتوب إلى الله تعالىولا يعود ولا كفارة عليه , ولا يمنعه ذلك عن الأضحية , وإذا أخذ شيئاً من ذلك ناسياً أو جاهلاً أو سقط الشعر بلا قصد فلا إثم عليه . وإن احتاج إلى أخذه ولا شيء عليه مثل : أن ينكسر ظفره فيؤذيه فيقصه , أو ينزل الشعر في عينه فيزيله , أو يحتاج إلى قصه لمداواة جرح ونحوه .فبادر – أخي المسلم – إلى القيام بهذه الشعيرة العظيمة ولا تكن من المحرومين الذين ينفقون الكثير ويذبحون الذبائح طوال العام ثم إذا أتى العيد تكاسلوا وتهاونوا .

اللهم أعد علينا هذا اليوم أعواماً عديدة وأزمنة مديدة واجعلنا من عبادك الصالحين . وصلى الله على نبينا محمد وعلى آله وصحبه أجمعين

انا مسافرااااااااااااااااااااااااااااااااااااااااااااااااااااه

سلام عليكم ورحمه الله وبركاته



السلام على من اتبع الهدى ياااااااااه

الحمد لله

الحمد لله الحمد لله


الحمد لله كماينبغى لحجلال وجهك ولعظيم سلطانك
الحمد لله حمدا كثيرا طيبا مبار كا فيه


اولا بعتذر عن الرد على التعليقات
لانى كنت مشغوله شويه



بس فرحانه قوى خلاص مسافره يوم الاربعاء بالليل مس بعد بكره



هروح رحله عمرى
ادعولى ربنا يتممها بخير وربنا يتقبلها منى ويجعلها مخلصه لوجهه الكريم



يارب اجعلها حج مبرور يارب لنا ولكل الحجاج واحمينا من انفلوانزا الطيور والحنازير ومن مصل وزاره الصحه ياااااااااااااااااااارب
انا فرحانه مش هقول اكتر


يلا ابعتوا الدعوات واللى عايز اي حاجه يبعت وزى مااحد المدونين ياريت كل واحد يكتب اسمه الحقيقى مش هقول اللهم اهدى توتو وسوس ولولو ومنكوش وعفركوش


انا قلت اهو
وفى اشراف على التليقات يعنى غالبا مش هظهر الدعوات




يارب ييسرها ليكم كلكم ولكل الناس يارب

نختلف او نتفق رحمك الله يادكتور مصطفى محمود

وفاة المفكر المصري الدكتور مصطفى محمود

مصطفي محمود

القاهرة : د ب أ

توفي صباح اليوم المفكر والعالم المصري الشهير الدكتور مصطفى محمود عن عمر يناهز 90 عاما بعد صراع طويل مع المرض استمر لسنوات .

وكان الدكتور مصطفى محمود خلال فترة علاجه متواجدا في مستشفى تحمل اسمه والتابعة لمسجد مصطفى محمود بالمهندسين في محافظة الجيزة ، وقد ابتعد بعد مرضه عن الحياة العامة .

مصطفى محمود هو مصطفى كمال محمود حسين آل محفوظ، من الأشراف ، ينتهي نسبه إلى عليّ زين العابدين - ولد عام 1921، وكان توأما لأخ توفي في نفس العام، مفكر وطبيب وكاتب وأديب مصري من مواليد شبين الكوم -المنوفية مصر 1921 توفي والده عام 1939 بعد سنوات من الشلل، درس الطب وتخرج عام 1953 ولكنه تفرغ للكتابة والبحث عام 1960 تزوج عام 1961 .

ألف 89 كتابا منها الكتب العلمية والدينية والفلسفية والاجتماعية والسياسية إضافة الحكايات والمسرحيات وقصص الرحلات، ويتميز أسلوبه بالجاذبية مع العمق والبساطة .

قدم الدكتور مصطفى محمود 400 حلقة من برنامجه التلفزيوني الشهير (العلم والإيمان) وأنشأ عام 1979 مسجده في القاهرة المعروف بـ "مسجد مصطفى محمود" ويتبع له ثلاثة ‏مراكز‏ ‏طبية‏ تهتم بعلاج ذوي الدخل المحدود ويقصدها الكثير من أبناء مصر نظرا لسمعتها الطبية، ‏وشكل‏ ‏قوافل‏ ‏للرحمة‏ ‏من‏ ستة عشر ‏طبيبًا‏، ‏ويضم المركز‏ أربعة ‏مراصد‏ ‏فلكية‏ ، ‏ومتحفا ‏للجيولوجيا‏، يقوم عليه أساتذة متخصصون। ‏ويضم‏ ‏المتحف‏ ‏مجموعة‏ ‏من‏ ‏الصخور‏ ‏الجرانيتية،‏ ‏والفراشات‏ ‏المحنطة‏ ‏بأشكالها‏ ‏المتنوعة‏ ‏وبعض ‏الكائنات‏ ‏البحرية‏.

الخبر من هنا

http://www.aleqt.com/2009/10/31/article_295077.html

محطات المترو ويوم من ايامى

كتبت كام بوست كام مره وبعدين امسحه

اكتب ايه


طيب تعالوا احكيلكم يوم من ايامى كان لذيذ وغلس وكل حاجه


ويمكن مايهمش حد بس انا عايزه اكتب مدونتى يابشر



يوم الثلاثاء اللى فات نزلت القاهره فى احدى الزيارات الكتيييييييييييييييييييير اللى بنزلها لقاهره المعز يطلع كده خمس مرات فى السنه

دها نا هطلع كل اللى عمله الدكاتره فى الطلبه عليهم


مع ان والله هما اللى دايما يزعقولى وانا مش بحب حد يزعقلى هما يستاهلوا
و لا كفايه متحملنى ربنا يكرمهم ويهديهم ليا يارب




الله ماتقول يارب





شراسه
المهم نزلت ركبت بس على فركه حتى الزياره دى كانت نصب ماكنتش اريحه علشان كده انا اتصلت اعتذرت اليوم اللى قبله قلتله يادكتر انا مسافره ومش هينفع شغل بقى استعباط يعنى وطبعا الدكتور مابيعرفش ياخد منى حق ولا باطل
المهم اصلى كنت رايحه مشوارين منهم المعهد ومشوار تانى
فالحمد لله طنشت المعهد
وكان فى كمان مشوار للجامعه بس بصراحه انا اصلا نسيت حتى مش عارفه المفروض فى مصاريف هتدفع ولا ايه
قلت اللى يحصل يحصل
المهم كنت رايحه مشوار حنب المعهد يعنى فى السيده زينب
فكنت عارفه الطريق
واللى كان جاى معايا بنت تانيه هتقابلنى فى القاهره
المهم ركبت وركب جنبي شاب ظريف انيك بالكاف مش بالقاف
يلا بنعلمكم
المهم اول ماركبنا تليفونه رن كانت مين
طبعا خطيبته واشتغلنا بقه ويقولها والله ماشربت الا ثلاثه عشر سيجاره من يوم السبت
صعب عليا قوى على فكره مجاهد ماشاء الله


المهم
ومشينا
لاقيت بقه البت صاحبتى بتكلمنى وبتقولى انزلى رمسيس
قلتلها ليه هننزل التحرير احسن ونغير محطه واحده وننزل السيده زينب
وبعدين اتلخبطت بقه مين رمسيس ومين التحرير
وفضلت اضحك وافهمها رمسيس الى هو الاخ مبارك
والكابتن السادات اللى هو التحرير
وجمال عبد الناصر هو هو جمال عبد الناصر
ومحمد نجيب هو هو محمد نجيب

وبعد ماقفلت قعدت اضحك وافكر



لاقيت ان الدوله دى كل حاجه فيها محسوبه ماشاء الله
يعنى حسني مبارك رمسيس صح كده ازاى بنتلخبط بس

انا مااقصدش حاجه
اقصد انه رمز الشموخ والعظمه وانه باق على الكرسي
انا ماليش دعوه انا بمدح اهو ماشي ياويل
يابتاع الكشكول well
وبعدين التحرير اللى هو السادات وهنا يكمن اتجاهين
اولا اه الى حررنا فى السادس من اكتوبر

وفى نفس الوقت حررنا برده يعنى خلى مصر حر لما وقع معاهده كامب ديفيد وخلى السلاح والنار كلها على الحدود فمصر بقت حر
وجمال عبد الناصر هو جمال عبد الناصر ماتفهمش هو ايه حد صح ولا غلط وحرر مصر ولابردها وخلاها ف عزه ولاذل
ماتفهاملوش حاجه
ومحمد نجيب خد شرف انه اول رئيس لمصر وهيفضل حد غامض لكن بالتاكيد هو محمد نجيب اسم تحس فيه بالثقه وان اسم مجهول فى حقيقته وشخصيته واللى حصله لكن اسم فى كرامه
ياواد انت على التفكير
فعلا انا مش معقوله
وفى نفس ذات الوقت فكرت
طيب انا ليه ماليش محطه باسمي
يعنى محطه جيجي مثلا ياسلام ودى تروح على والت ديزنى على طول
ولا بلاش امريكا مالناش دعوه ماقلتش حاجه

بس حقيقى ياجماعه يعنى واحده زيي عامله مدونه بتمتلكها وعارفه تديرها وبترد على كل واحد بيسلم بس حتى
وبتلبي طلبات الشعب طيب ليه يعنى هما احسن منى فى ايه يعنى

ولاانتم رايكم ايه!؟؟؟؟

طيب نسمى البوست ايه اللى عايز يحط عنوان براحته المهم نوصل

فكرت اكتب الموضوع ده فين هنا ولاعلى مدونه مش هنسكت
وبالفصحى ولا باللغه العاميه

وقررت انى اكتب هنا وبالعاميه
فى الوقت اللى الدوله شاغلانا بقضيه النقاب والناس كلها مش بتتكلم غير عنه بيحصل حوالينا حاجات مهمه تانيه لكن احنا بننجرف وزى مانكون بيحب اللى بيضحك علينا واللى بيطلعنا من موضوعنا الاصلى

رايي من زمان فى موضوع النقاب او وجهه نظرى بمعنى اصح اللى تقتنع بحاجه تتفضل تعملها لكن مايبقاش شغلنا الشاغل
وننسى كل حاجه
كام واحد اهتم فى اليومين اللى فاتوا بقضيه مروه الشربينى واقتحام الاقصى بلاش اهتم
فى كام واحد عرف اصلا ان كل ده بيحصل
فى كام واحد قال انا هعمل حاجه لدينا اللى كل الناس بتهينه

مين قال هنجح بقه فى دراستى علشان ربنا
مين قال هشتغل علشان انصردينى
مين فكر يكتب عن قضيه مروه
للاسف قليل ويمكن مفيش

طيب المسجد الاقصى فين من حياتنا وفين من كلامنا عنه

اسلامنا غالى ياجماعه عايزين نتكلم
طبعا انا عامله هدوووووووووووء للمدونه اولا زيي زي اي حد بريح دماغى
بس بصراحه كرهت انى انسى وانسلخ من حوادث كتير جوانا وعايشه وبتاثر فينا
حتى قطر العياط ولاحد فاهم حاجه مين السبب فى اللى بيحصل والاهم هل فى نهايه اساسا لاهدار ارواح ناس لاهى احمد عز ولا ابن احمد عز ولا قاريب احمد عز ولا منافقين احمد عز

ده رمز ياجماعه
طبعا انا بتكلم على احمد عز الممثل
ماهما كلهم بيمثلوا دلوقتى
والاهم مع ان ماعرفش ايه بقى المهم والاهم اللى مش مهم
ايا كان
الجرائد القوميه قامت وياسلام قال الاهالى بيقولوا منك لله يامنصور
طيب والله مااعرف ان وزير النقل اسمه محمد منصور اهى معلومات بنعرفها معلش ياجماعه خيبه بس والله ماكنت اعرف
عايزين يفهمونى ان الناس الغلابه دي اللى ماتعرفش غير شويه البيضوالجبنه يروحوا يبيعهم الصبح ويرجعوا يجيبوا يدوب لقمه بالكاد ياكلوها عارفين وزير النقل اسمه ايه
البلد دى ماشيه ازاى

وهل حادثه الجاموسه دى مدبره ولا فى ايه انا مابقتش فاهمه حاجه
طبعا انا من يوم مالاقيت الجرائد القوميه بتشتم وتقولك هو اول واحد مشي من موقع الحادثه وانا فهمت انه خلاص بقى مغضوب عليه وانه هيمشي
والله لاهو ارضاء للابرياء ولا نصر للحق لكن هى الدوله لما تغضب من حد ومين هى الدوله سؤال نفسي حد يرد عليه
مافيش مخلوق فى مصر يعرف مين الدوله وهل الدوله دى مصر ولا بلد تانيه ومصالح ناس تانيه
هى مين الدوله والناس التانيه


زي ماسمعتها مره ان الحقيقه ادامنا بس مش عايزين نشوفها

هى تصفيه حسابات كبيره قوى على دماغنا اللى شغلوها باشياء تافهه ومنها نلبس ايه وناكل ايه ونتخانق على التليفجن على حاجات تافهه
ماتش كوره
مرتضى منصور وشوبير
مش عارف ايه الصينى على فكره بجد بقيت بحس بالقرف والاشمئزاز ان اعراضنا بقت على الهوى ومستباحه ورجال دين بيتكلموا بالسفور ده
تفتكروا هو ده الدين
هو ده الاسلام
الكلام بالطريقه دى اسلام ولاهو شعارات وخطب رنانه وخلاص

ياجماعه ناس بتموت وغرب بيبهدل فى سيداتنا المحجبات وشتيمه فى الاسلام والمسلمين وبقى ارذل خلق الله بيتكلم عن الاسلام وعلى دين الاسلام وعلى قران الاسلام وعلى نبي الاسلام وعلى خالق كل شئ رب الارباب
والله غنى عنهم

بس يارب مايبقاش غنى عنا احنا المسلمين

هو احنا هنفوق ولاهنفضل فى عنق الزجاجه ولاعلى راي سهير البابلى فى عالرصيف احنا بقينا فى قعر الزجاجه
على فكره المشكله الوحيده ان فى مرض لكن احنا مابنعترفش ان فى مرض واننا زي الفل
مساء الفل

ولنا بقيه ان كان فى العمر بقيه بجد
مش ناس عايشه وهى ميته اصلا