تعقيبا على الاحداث الراهنه فى مصر

كلمتين وبس


اولا مفيش اي تراجع عن الانتخابات احنا دلوقتى نزلنا لان اخواتنا بيموتوهم فى التحرير لكن مش معناه خالص اننا موافقين على تاجيل الانتخابات

لازم الانتخابات تبقى فى موعدها  علشان المجلس السمكري (على راى اخويا)
ده يمشي ونخلص بقه مافيهوش كلام ده

لكن لما الاقى الناس اشلاء جنبي يبقى لازم اساعدهم واقف جنبهم واقول للمجرم انت مجرم وزباله وقذر وحيوان لما تصوب على عين اخوك

الكلب ده مطلوب حيا ويستحسن ميتا  شر قتله
 ده متخصص ضرب نار على اعين المتظاهرين
وادى الفيديو دليل واضح 




وصدق اللى قال الناس نوعين

ناس كويسه وظباط




ثانيا 
ارفض بشده مجلس رئاسي 
وارفض بشده حكومه انقاذ وطنى برئاسه البرادعى


هو البرادعى ده ايه كل شويه ينط علينا ساعه لما يبقى فى منصب

ايه القرف ده

احنا اللى نقرر( اذا حصل وقبلت استقاله شرف وحكومته) مش هما

لكن مواد فوق دستوريه وناس تتفرض علينا تانى  لا
لا 
لا
البرادعى ده بالظبط زي المواد فوق الدستوريه

البرادعى كمان موافق على المواد الدستوريه
والمظاهرات والنار اللى والعه فى البلد كلها كانت علشان الوثيقه الزفت دي


اجيب انا واحد موافق عليها


حرام عليكم هتجنونا 

اذا كنا اصلا ماتجنناش 
نسيب البلد وخلاص علشان ترتاحوا

منك لله ياسلمى 
منك لله
منك لله ولعت فى البلد وموت زهره شباب مصر
حسبنا الله ونعم الوكيل


اللهم اجعل مصر واهلها فى امانك وضمانك وامانك

ملحوظه لمن يهمه الامر
(انا حاولت اقرب وجهات النظر يارب انت كمان تقربها)

حرام اللى بيحصل فى التحرير وحرام اكتر لما ماتقفوش جنبهم






ادى الامن فالح بس يقف فى ادام الشعب اللى المفروض انه بيحميه

الصوره من امام مديريه امن ااسكندريه



يار ب اهدينى وامسك اعصابى وانا بكتب



ايه الاجرام اللى بيحصل فى التحرير ده


والاهم وهيموتنى وهيجننى ازاى فى ناس بتقولك فوتوا الفرصه عليهم دول بيعملوا كده علشان يياجلوا الانتخابات


انتخابات!!!؟
 ايه الناس دى ايه


ناس بتموت

اللى بينتقدهم بيقول انهم متخلفين اغبيا فكروا غلط دماغهم متركبه شمال عايزين يفضلوا طول النهار فى الشارع انا بقول اللى بينتقدهم بيقول ايه

لما اعترض عليهم اقتلهم واموتهم ليه


لييييييييييييييييييييييييه
هما مش دول اخواتنا واهلنا 

وانا قبل مااى حد يتكلم انا مع التيار الاسلامى قلبا وقالبا  ولسه من فتره اعترضت جدا على اى حد يهاجهم على الملا رغم اختلافى احيانا معاهم


بس قلت لازم الصوره  الاعلاميه تفضل كويسه ولما ننتقدهم ننتقد بينا وبين بعض


وعلشان مااظلمش حد

ايه البيانات والمواقف بتاعت الاخوان والسلفيين دى

مين اللى منزلها


اذا كان الميدان كله اخوان وسلفيين و6 ابريل وكل طوائف الشعب

ايه بقه الناس اللى قاعده على مكاتبها وكل شويه ينزلولنا بيان ولا تصريح

وبعدين هو الشيخ حازم ابو اسماعيل عايز ياجل الانتخابات لما قال نعتصم


مش ممكن تكونوا انتوا بس اللى بتفهموا


انا رايي وحره جدا فيه

الميدان كله اخوان وسلفيين واللى بيطلع البيان ده ناس فاضيه
وحالا هنلاقى الليبراليين طالعين يقولوا التيار الاسلامى حرم الخروج فى المظاهرات
ولما المجلس العسكري يمشي وهيمشي ان شاء الله هيقولولكم انتوا ركبتوا الثوره


بجد انا مش عارفه قيادات التيار الاسلامى بتفكر ازاى


دى اول نقطه


النقطه التانيه اللى بجد جابت اخرها معايا


زباله الداخليه دول مش هيرحمونا بقه


مش هيمشوا ويريحونا منهم

مش عايزينهم مش عايزينهم مش عايزينهم

على راي واحد متصله على الجزيره مباشر ربنا يكرمها يارب

قالت لما الداخليه ماشاء الله موجودين كده امال سايبين البلطجيه والحراميه وقطاع الطرق ليه

فالحين بس يضربوا فى الشعب اللى نازل يطالب بحقه حتى اذا كان شعب غبي مش عارف مصلحته ولا مضحوك عليه ولا ليه مصلحه سياسيه

هو انا لما اختلف مع انسان يابنى ءادمين اقتله


وفتنه ايه اللى بتقولوا عليها هى لبانه

فتنه ايه وفى ناس بتموت وفى ناس اتصابت 
فتنه ايه وانا بطالب بالجيش يمشي فى ابريل

هو مش قال خلال 6 شهور هيبدا اجراءات تسليم السلطه للمدنيين
كويس اننا سبناه وسكتنا كل ده والبلد اتخربت وباظت

فتنه ايه وانا بقول مفيش امن وفين الشرطه
فتنه ايه والجامعات والمدارس فيها ارتباك


فتنه ايه  ومفيش مصر اصلا

ارجوكم ترحمونا
ارجوكم 
ارجوكم




اسفه انى قافله التعليقات  بس لانه مش وقت تعليق




وقت اننا ننزل نساند اخواتنا واهلنا ونرجع مصر لينا ونشبت بجد اننا عملنا ثوره






اه يابلدنا





هيييييييييييييييييييييييييييييييييييه




فين ايام المدونه الواحد ماكتبش من زمان رغم ان الاحداث كتييييييييييييييييييييييييييييير جدا 


من اخبار مفرحه وبتدينا امل زي فوز حزب النهضه فى تونس ومقتل القذافى وتولى مجلس من الثوار- اللى سياستهم متفقه مع شعبهم- مش فوق دستوريه
ومن الحاجات المفرحه برده تصويت المصريين بالخارج 




طبعا من اجلم الاخبار كمان النهارده خبر تعليق عضويه سوريا فى الجامعه العربيه ودعوه الدول العربيه لسحب السفراء من دمشق


ورغم ان ماحصلش حاجه ولاحياه لمن تنادى الا نها خطوه كويسه لكنها غير كافيه وبشار الاسد يحتاج لغه اقوى كلغه الدبابات والدمافع التى يستعملها والا فكل ذلك كلااااااااااااااااااااااااااااااااااااااااااااااااااااااااااام فى كلااااااااااااااااااااااااااااااااااااااااااااام لايسمن ولا يغنى من جوع



ربنا معاكم يااهل سوريا وينتقم من بشار الاسد وسرسنا فيه عجائب قدرته ويجعله ايه وعبره لمن خلفه
ايه كمان
ايه كمان
مش فاكره لان دايما الحاجات المفرحه اذا كانت موجوده فبتبقى rare جدا 




لكن اقول ايه ولا ايه على الحاجات المؤسفه واللى تجيب ارتكاريا مزمنه


من او ل بقى الوثيقه الفوق دستوريه اللى عامله زي واحد جاى من وراك وبيخنقك ويقولك مالكش دعوه




اقوله ياابنى انت هتخنقنى انا 
يعنى ايه ماليش دعوه
يقولك انت متخلف اصلا مش عارف مصلحه نفسك


انا هموتك انا عارف مصلحتك اكتر منك


هو انت دارس زي ماانا دارس ولا انت فاهم زي ماانا فاهم


ونيجى للنقطه التانيه وهى انتخابات النقابات ودى بقه كارثه ومصيبه وقرف وكل حاجه




دلوقتى يرضي مين انى اتعامل زي اللى بيبصموا او معاهم محو اميه ويتقالى ادخلى اكتبي الاسامى دى




انا بصراحه ايوه رشحت الاخوان واهم احسن من غيرهم كتير لكن ماينفعش يتقالى اتفضلى علمى على الاسامى دى انا طبعا نقابه العلميين


حصل حاجه اظرف كتير جدا فى نقابه المعلمين عملوا الورقه ارقم ويدخلوا يعلموا على الارقام


فبالتالى بقى سهل حفظوا الارقام رقم اللى يدخلوا يعلموا عليهم وخلاص




علمت على مين ييانى على رقم 3 و7  و189


مين دول يعنى


مااعرفش اتقالى كده




طيب ده صح
مابنفعش ينزلوا اسامى اناس عارفاها ولا هو لازم نتعامل على اننا بصمجيه ونحو الميه مش محو اميه




وبالتالى حاسه انى غلطانه انى دخلت كتبت الاسامي اللى غشيتها من الورقه اللى معايا




انا حره 
لكن فكرتى الوحيده اللى اعتقد الناس كلها فكرت كده




انك مش عارف ولا واحد من الاسامي اللى ادامك فاانت متفق شويه مع فكر ومنهج معين قلت خلاص خلينا مع ده




لان انا كمصريه  مسلمه ارفض تماما عدم ادخال الدين فى السياسه
وبالنسبالنا احنا عدم ادخال العلم فى الدين


طيب والايه اللى قالت واوتينا العلم من قبلها وكنا مسلمين


يعنى فى علاقه وطيده بين الدين والعلم وبالتالى اختار اللى بيحب وهيدخله الدين وهيدخله فى كل حاجه ومش هيبعده رغم اختلافى شويه على حكايه ادخل اكتب اسامى معيه


لكن ايا كان كان لازم اختارهم


لكن مش عارفه اذا رجع بيا الزمن دلوقتى هل كنت هعمل زي البصمجيه كده ولا ايه




فعلا مش عارفه
ودى النقطه التالته المهمه جدا


ارجوكم يااخوان ماتعاملوناش على اننا بصمجيه او عندنا تخلف عقلى مزمن واحترموا عقولنا


لكن برفض تماما انى اشبههم بالحزب الواطى اللى كان بيضحك على الناس بفلوس ورشاوى وبلطجه وتقفيل لجان


نيجى للنقطه الرابعه وطبعا طولت


معلش


النقطه الرابعه عن حامى حمى الوطن اللى هو طبعا جهاز الداخليه


حد يقولى اخرتهم ايه معانا


هل نعمل لجان شعبيه وخلاص ونحمي نفسنا بنفسنا




وده اللى لاقيت الناس بطالب بيه فى دمياط علشان الحرايق والللى حصلت بسبب مصنع اجريوم( من اجرام طبعا بس بالانجليزي فكاهه معلش)
المهم
 الناس على النت فضلت تنادى بعمل لجان شعبيه لحمايه الناس على طريق راس البر ودمياط




طيب والداخليه اللى بياخوا فلوس مننا وواخدين صلاحيات كانهم من جنس تانى دول مفيش حد يستدعيهم ولا يقولهم بعد اذن معاليكم فى مصيبه انزلوا اعملوا حاجه


هو احنا عايشين فى القرون الوسطى هنحمي نفسنا
عموما اذا كان كده خلاص يتفضلوا يقعدوا فى البيت زيهم زينا وزي كل اللى مااشتغلش ونرتاح


وننزل نعمل احنا لجان شعبيه ونحى نفسنا واهالينا وهتلاقونا ياداخليه احسن منكم


علشان احنا من البلد دى لكن انتم لا
لا لا
الا من رحم ربي علشان مانظلمش الفئه القليله جدا التى لاتكاد تذكر 
 ده بس علشان يبقى ضميرى التدوينى مرتاح  لانى انا سمعت ان الشرطه فيها ناس كويسين (من جهه غير معلومه المصدر)




صحيح انا ماشفتش بس بيقولوا فيه


ايا كان هى البلد هتفضل كده
الدنيا مولعه فى كل مكان فى الصعيد فى سوهاج وانلهارده فى قنا كمان


فى الدلتا زي مااحنا شايفين فى كفر الشيخ  ودمياط وخطف وتقتيل وقفل طرق وحظر تجول




ايه ده احنا فين وايه اخره ده


وبعدين نيجى لنقطه مهمه متعلقه بالموضوع ده




هو الجيش ده اخرته ايه معانا هنفضل فى الفتره الانحداريه دى كتير


اعتقد مفيش اكتر من كده


اسعار وغاليه جدا 


امن ومعدوم


بلطجه وفى كل مكان


مرتبات وفى ارتباك


وبعدين يعنى
ايه الناس اللى لسه بتدافع عن الجيش دي


ايه اخره ده يعنى
والجيش هيمشي امتى والشرطه هتنورنا امتى




مااسمعش واحد يقولى اصلها خايفه
من دى اللى خايفه اللى بيتعاملوا مع البلطجيه واللى لسه بيتعاملوا معاهم


 خايفين خلاص احنا فيها اللى خايف يمشي ويقعد فى بيتهم




لكن نفضل كده بندادى فى البهوات ينزلوا 


كده بجد كتير




يعنى هما قتلونا وبهدلونا وقلنا نتصالح (مش انا طبعا اللى قلت ولا عمرى هقول بس فى ناس قالت)


وهما كمان مايرضوش نتصالح لا بجد كده كتير قوى


نكمل بعدين زهقت بجد


لك الله يامصر











شاهد على الثوره د صفوت حجازى الجزء الثامن والتاسع

اهدوا دلوقتى وبعدين نتكلم

هى مصر تستاهل منكم كده


ياكل واحد فكر فى نفسه بالشكل ده مصر تستاهل منك كده



ارجوكم كلكم مصريين  ومسيحيين حكومه وشعب واعلام وشعب ارجوكم اهدوا


ارجوكم غيرنا كتير بيولع انتوا طفوا


وارجوكم بعدها ياحكومه فكروا 

فكروا ازاى نحل مش نطبطب وتفتكر خلاص النار خمدت وانتوا اول ناس شايفين ان فى رماد يعنى فى نار


ارجوكم طفوا النار خالص مش تخبوها

الحاجه التانيه اللى بيحصل ده شغب- ياحكومه وياجيش- انا ماليش دعوه بالداخليه انا مش بحبهم وانا متاكده ان ليهم دخل هما وفلول الوطنى
وكل ده بيحصل قبل الانتخابات مش عارفه ايه اللى مخليهم مبسوطين بالفتره الفوضويه دى

دى مش فتره انتقاليه دى فتره فوضويه

وبعدين الجيش ابسط لفظ واحسن لفظ خلاص فقد اعصابه على الاخر

والله اعلم عايز السلطه ومش عايز يسيبها ولا ايه

بس انا بستبعد ان هو اللى يكون مبدر اللى حصل ده
انا بستبعد ده تماما

المهم دلوقتى
 ياجيش وياحكومه ارجوكم اتعاملو امع اللى بيحصل انه شغب مالوش دعوه بمسلم ومسيحي

البلطجه والتخريب مالوش علاقه ابدا بدين

بجد اذا اتعاملنا كده بجد هنوأد الفتنه


انا فعلا مش فاهمه كنيسه فى اسوان

ليه يبقى فى مظاهره فى ماسبيرو والاسماعيليه واسيوط والسويس



ليه كل ده

وليه انتوا ياحكومه من الاول ماتفاهومتوش معاهم


ليه طيب لازم نسيبها كده


لازم نسيبها تولع يعنى


مصر غاليه علينا كلنا وانا متاكده من ده


ارجوكم حافظوا على مصر


اللهم احفظ مصر واهلها 
يارب ول علينا خيارنا ولا تول علينا شرارنا

يارب من ارادنا وبلانا وبلاد المسلمين بسوء فائغله فى نفسه واجعل كيده فى نحره واجعل تدبيره تدميره يارب العاملين


بحبك يامصر
واسف على اللى حصل



وحشتنى يابابا ياحبيب حياتى

اهلا مدونتى مكانى الوحيد اللى انا حره اتكلم فيه


ورغم ان حواليا ناس كتير


بس مش عارفه من غير بابا الدنيا فاضيااااااااااااااااااااااااااااااااااااااااااااااااااااااااااااه رغم ان كل يوم بخرج وبنزل وبشوف ناس جديده


بس مش لاقياه حبيب عمرى حياتى اللى راحت واللى جايه

الغريب انى مابحاولش اوشف صوره مش قادره احس انه بقه صور بس

مش قادره اسمع صوته او اى حاجه ليه

مش عارفه عايزه انسى
عبحاول انسى ان كان فى حياتى واحد هو كان كل حياتى
مش كان 

انا حاسه انى انا منه ومن يوم مااتولدت وحبه ده عايش جوايا عايش فى قلبي
وغصب عنى فاكراه فكره لك تفاصيلنا مع بعض

فاكراله كل حاجه


فاكره انى من غيره ولا حاجه

حتى وانا فى ماشيه فى الشارع بفضل ادور على عربيتنا ولما لاقى عربيه زيها بتخض هو فيها


افتكر انه مش ممكن يكون فيها


لما باجى هنا البيت مش بلاقى عربيتنا ادام البيت بتاثر قوى 

هو لسه ماجاش 
بتالم اكتر لما افتكر انه مش هييجي
فاكرهلما ببقى فى مكان يفضل قلقان لحد مايطمن انى بقيت معاه وطول الوقت يتصل بيا انتى فين دلوقتى كيب عايزه حاجه
طيب ماتتاخريش ياحبيبتى
فاكره انه يرجع من الشغل بسرعه علشانى انا قاعده لوحدى فى البيت

فاكره كل ده 
مش عارفه انا فعلا عايشه ازاى من غيره
بس بعد تفكير كتير لاقيت ان ربنا اداالى عمر مش اكتر
يمكن بيبعتلى ناس بتقف جنبى بس اكيد مش زيه 

انا مش عارفه ليه حبيته بالشكل ده


ماكل الناس بتحب باباها ومامتها ليه انا كده


حاسه ان الدنيا من غيره ولا حاجه

الدنيا ايوه بدات تمشي مع اللى حواليا


لكن انا من اللحظه دى حياتى انتهت

كل مااخاف من بكره اقول مش هتفرق اذا كان اغلى انسان راح منى
هتعملى ايه اذا حصل اي حاجه


لكن فى نفس الوقت برده بخاف مع انها مش فارقه

بس بخاف وبقلق 
بخاف من الناس 
بخاف من اللى حواليا

بخاف من حياتى

بخاف من الى جاى

بخاف من نفسي

اتغيرت كتير بعدك يابابا


نقطه فاصله جدا اللى حصل ده


بجد انا حاجه قبلها وحاجه تانيه خالص بعدها


يمكن حد تانى 

يمكن الحاجه اللى بعتبرها ايجابيه هى انى بقيت اقوى بس ادام الناس بس


احساسك ان مفيش حد هيقف معاك ان مفيش حد هيفهمك ان مفيش حد انت محور حياته


صعب تلاقى حد كان بيعمل اللى بابا كان بيعمله معايا


لكن هقول ايه ياريته خلانى كرهته

ماكانش يقدر ولاكان يعرف

كل مايحصل حاجه بفكر هو انا خلاص بجد بقيت لوحدى مفيش حد هيحس بيا
مفيش حد هيبقى جنبي

هيبقى ظهرى 
هيبقى الدنيا كلها اللى مش عارفه اعيش فيها حقيقى من غيره

لكن بابا ساب فيا شويه ايمان هما اللى بييدولى قوه وصبر
شكرا يارب

انا من غير الشويه دول كنت اتجننت


عمرى مااتعلقت بحد بالشكل ده لكن ربنا قدر كده

بس انا حاسه انه جوايا انه جنبي يمكن مش لاقياه بجد


بس بحلم بيه كتير بيحضنى ويبوسنى بشكل غريب

معقول يكون حاسس انى من غيره ولا اى حاجه ولا انا اصلا كائن مش حتى بشر


حاسه انى مش حاسه اللى بيحصل ولا حصل


كل اللى عارفاه انى بتصدم كتير وانى لوحدى بس مش حاسه او بتفرج على فيلم انا مش فيه


سيناريو ماشي انا فيه بس مش عارفه ايه دورى استقبل بس طعنات

استقبل كل اللى بيحصل

كل يوم يعدى اوقل خلاص مش هييجي اسوءمنه


لايمكن يحصل اكتر من اللى حصل


لكن افاجأ انه اسوء بكتييييييييييييييييييييييييييييييييير 
وانى فعلا هنت على ناس كتير


بس ارجع واقول ان مش حاسه فعلا

دوشه حواليا فى كل مكان بس هباء 

اللى بس حساه ان بابا مش موجود وانى مش لاقياه حتى فى الاماكن اللى كان دايما فيها مش موجود


يارب رحمتك

يارب انت تعلم اللى بيا


يارب بابا وحشنى جدا جدا جدا

يارب ارزقنى صبرا جميلا وقلبا مطمئنا 
ومدنى بقوه ومدد من عندك


Newer Entries » « Older Entries

اخر الاخبار

There was an error in this gadget

Pages

عن المدونه

هذه مدونه شخصيه لصاحبتها جيجي والعالم


بمعنى ان كل اللى فيها يخص جيجي والعالم وافكارها الفضائيه المجنونه

اللى اهم حاجه فيها انها حره فيها

مش هي دي الديمقراطيه يادعاه الديموكراسي

مدونتى هذه هي انا

(إِنَّا نَحْنُ نُحْيِي المَوْتَى وَنَكْتُبُ مَا قَدَّمُوا وَآَثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ) [يس : 12]

صلى الله على محمد صلى الله عليه وسلم

صلى الله على محمد صلى الله عليه وسلم
اجمل مكان رحته فى حياتى سلاما لأهل هذا البلد

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ

أوقات الصلاة لأكثر من 6 ملايين مدينة في أنحاء العالم
الدولة:

I favor the Syrian Revolution

I favor the Syrian Revolution

مش المهم انا مين المهم هبقى ايه

اخلص دعاء ممكن تسمعه -اللهم تقبل منك ياابي واجعله ربي برحمتك وفضلك فى الفردوس الاعلى من الجنه

حتى لاننسي

انت رجل وان كنت لا اعرفك

انت رجل وان كنت لا اعرفك
ربنا يعزك زي ماانت محسسنى بالعزه

ثوره على ضفاف النيل

ثوره على ضفاف النيل
اللهم تم علينا النعمه وول علينا خيارنا ولاتول علينا شرارانا

فرحه مصر

فرحه مصر
يااااااااااااااااااااه يامصر انا بحبك قوى

فرحه مصر

فرحه مصر
انا مسلمه مصريه وافتخر

اللهم احسن خاتمتنا وتوفنا وانت راض عنا

اللهم احسن خاتمتنا وتوفنا وانت راض عنا

الفريق سعد الدين الشاذلى

الفريق سعد الدين الشاذلى
اللهم اجزه عنا خير الجزاء واجعله عندك مع النبيين والصديقين والشهداء

الفريق سعد الدين الشاذلى : الولاء لله اولا

اشاره مرور المدونه اوعى تمشي فى الاتجاه العكسي