فاكرين شهداء 25 يناير


السلام عليكم


ازيكم عاملين ايه

هديتوا ولا لسه بنتخانق معلش بعد اذنك


حضرتك بتتخانق مع اللى جنبك ليه

واحد عايز مبارك ياخد 50 سنه والتانى عايز اعدام

ولا بتشوفوا هتعالجوا المصابين ازاى

ولا هتعوضوا اسر الشهدا ازاى

ولاهتصلحوا الاقتصاد ازاى

لا انا اسف حضرتك مش بنتكلم فى الموضوع ده ولا دى سبب الخناقه

ياسلام طيب ايه اللى مخليكم هتموتوا بعض قريب

شوفى ياجيجي


تلات حاجات
اولهم انا عايز التف على اراده الشعب واعمل مجلس رئاسي واعمل دستور

اه تمام
نسيت تقول هعمل حضانه احط فيها الشعب وتبقى انت المدير اللى بيضرب الاطفال زي المدرس اياه اللى طلع علشان الاهالى قالوا احنا عايزينه يعمل كده

على فكره انا فكرت ليه ماينفعش انا اقدم بلاغ فى المدرس ده لانى بصراحه قلبي وجعنى عليهم ماليش دعوه اذا كان الاهالى مبسوطين
فين حق الاطفال وحق المجتمع وحقى انا معلش خرجت من الموضوع
طيب المهم وهجيبلك خرزانه علشان تضرب الشعب واللى مش عاجبك مفيش فيه فايده وبيضحك عليه بالفلوس والدين
خلاص نطرده
نعمل خيم لاجئين للناس الشعب المتخلف اللى قال نعم
لان مصر بقت للنخبه
انت بس اللى بتفهم

طيب على فكره الحزب الواطى ماكانش بيعرف يكسب لا بالفلوس ولا بالدين وبرده كان بيلجأ للتزوير

طيب ليه لما الشعب ده غبي كده
هتقولى بالدين ازاى
هقولك ساعه مايقولوا رجل البر والاحسان تلاقيهم بيجروا يدولوا صوتهم لا اونت ادى منى

الناس واعيه واعياااااااااااااااااااااااااااه
من اول الراجل اللى كان بيحط حله ولاازايز على دماغه علشان يتفادى الرصاص لحد حضرتك

تمام كده

اهو انا اديت لحضرتك مكانتك اهو وان انت راس النخبه واعلى الهرم وكل الحاجت دي

بس سؤال انت اللى قلت للراجل ده يحمى راسه ازاى؟

انت يانخبه يامثقف يامتعلم اللى قلتلهم ماتنخبوش فلان وانتخبوا علان

فين الديمقراطيه مش الشعب حر
حسب اختياراته
يعنى حتى اذا شعب اي كلام مش فاهم حاجه مش هو حر

الحاجه التانيه واسال حد تانى انتم متخانق مع اللى جنبك ليه
ماهو جنبك وابن بلدك على فكره
مش انت نخبه وهو حمار يعنى
بصراحه اصل احنا متخانقين العدد كان كام فى الميدان الجمعه اللى فاتت 27 مايو

نعم حضرتك انت بتتكلم بجد

ولا انا مش لسمع ولا اتطرشت ولا ايه بالظبط

لا انا بتكلم بجد
ياسلام عليكم انتم الاتنين
مش عاقل فيكم يقول العدد يطلع زي مايطلع
مليونيه ميت الفيه عشرينه حتى

المهم النتيجه
اقولك يااستاذ النتيجه ان مبارك قاعد فى شرم الشيخ والمصابين مش لاقينن حديعالجهم ولا حتى على الرصيف
ودول شباب زي الورد مش راجل عجوز عنده 85 سنه سرق وقتل وعذب وخرب فى البلد 30 سنه
طيب بعد اذنك
نقطه نظام اذا سمحت

اولا بالنسبه للاخوان

بصراحه مش صح اللى انتوا عملتوه اللى هو اللى هينزل غلطان ومتواطؤ والكلام الكبير ده
ايا كان معظم اللى نزل كان نازل علشان المحاكمات الهزيله وانتم اول ناس عارفين
وعارفين ان الاخوان اللى نزلوا منكم ولا كان قصدهم لامجلس رئاسي واسقاط مجلس عسكري ولا بتاع
يبقى ايه
يبقى انا يااخوان ياحلوين كنت افهم الناس انه بلاش تنزلوا علشان كذا ووكذا وهما حرين لكن مااخونش حد

طيب بالنسبه للناس التانيه اللى اسمها النخبه دي

بعد اذن سعادتكم ايه اللى انتوا عاملينه ده
ايه حكايه الاخوان بانوا على حقيقتهم
ايه الحكايه
ايه حكايه الجيش والاخوان عملوا صفقه
زي مايكون جيش اسرائيل وامريكا
مالجيش انتم والاخوان برده منكم ولا شايفين حاجه تانيه انا مش شايفاها

مش نزلتوا والعدد كان كويس طيب عايزين ايه تانى
الحاجه التانيه من ضمن اتهامتكم
ان الاخوان بانوا على حقيقتهم وان مش هما الشعب
اه ماشي عادى يعنى
وخدوا بالكم انتم اللى قلتوا
طيب خايفين ليه بقه من الانتخابات
مش انت بتقول انا خايف من الانتخابات علشان هياخدها الحزب الواطى والاخوان طيب اهو انت بتقول الاخوان ماطلعوش كتير ولا يحشدوا ولا حاجه ونقدر نعمل مليونيه من غيرهم
انت اللى قلت مش انا على فكره

الحاجه التالته فعلا اللى هيقولها ادامى هكسر دماغه
ان الاخوان دلوقتى بيعملوا كده علشان السياسه والكرسي

نعم سيادتك
السياسه والكرسي

السياسه والكرسي تخلى الناس تتقتل وتتعذب وتتاخد من ولا دها فى عز الفجر و مفيش حد يعرف مكانهم

الكرسي ييخليهم يتحملوا صعق بالكهربا ودهن اجسامهم بالجاز علشان يتحرقوا
انت اهبل ياابنى واللى بيسمعك ومصدقك اهبل زيك

اللى اعرفه اللى يتحمل كل ده يبقى اكيد علشان فكره مقتنع بيها فى دماغه وعايز يبتغى بيها وجه الله لكن يمكن الطريقه اللى ساعات بيفكروا بيها احيانا بتكون غلط وعادى بيغلطوا زي ماكل الناس والطوائف بيغلطوا
على فكره انا مش اخوان وبزعل منهم فى بعض افكارهم
بس ماشككش فى نياتهم يافندم واقول انها كراسي

شوفلك حاجه تانيه دى مش لايقه

واحد ثالث بقوله انت هتموت اللى جنبك ليه

قالى علشان حلقه صبحي صالح وخالد منتصر مع منى الشاذلى

ايوه يافندم اضربلكم تعظيم سلام انتم الاتنين
اصل هو بيدافع عن صبحي صالح وانا بدافع عن خالد منتصر
نعم
نعمين تلاته

شكلى هفتح دماغ حد
او هموت حد
بتدافع عن خالد منتصر ارتكب جريمه ولا اعمل ايه يعنى دلوقتى

خالد منتصر اللى معروف بعدائه الشديد لكل ماهو اسلامى
ولا يخفى على احد مفيش حد يقولى انا مااعرفش
شوف انا معاك ان صبحي صالح حجته كانت ضعيفه رغم انه على علم
لكن حصل تلات حاجات اولها لما منى احرجته احراج شديد واتهمته ان بيحلف كذب وهو فعلا قال انا مااعرفش لكن قال يمكن قلتى وانا مااخدتش بالى علشان مايحرجهاش لكن هى اصرت تطلعه كاذب امام الناس ولم تحترم ضيفها على الاطلاق

ثانيا استاذ صبحي صالح بيتكلم كانه بيكلم لجنه تعديل الدستور او قاعد مع فقهاء دستوريين او حتى محامين عمالقه
يااستاذى العزيز انت بتكلم العامه اللى زيي

حضرتك مااتعرفش تتكلم زي خالد منتصر الملتوى كده

كلامه بصراحه فعلا ماكانش يتفهم
ثالثا خالد منتصر مناظر غير محترم بمعنى انه بيجيب كلام فاضى وشهادات تاريخيه كاذبه وبيقرا التاريخ بمزاجه واستاذ صبحي لا يعلم بهذه الافتراءات وماحبش يرد زيه لانه فعلا لايعرف القصص الخياليه اللى قالها خالد منتصر فمش عارف يقول كلامه صح او غلط والغريب انه خالد منتصر استشهد بالسيخ الغزالى فى موضوع النقاب
طيب مالشيخ الغزالى اخوان نفس فكرهم اختلف فى بعض وهات النظر فى الاخر ايوه يعنى مابقاش فى التنظيم لكن اكيد هو مش مع سعادتك لما قلت ايه دخل الله فى السياسه
استغفر الله العظيم
انا مش عارفه الناس كانت بتصقفلك ازاى ومطلعينك انتصرت يمكن علشان كنت بتضحك وهادى
عارف ليه لانك مش صاحب هدف نبيل انت بس كان فكرتك اطلع اللى ادامى مش عارف حاجه واحرجه واوتره

للمره الاف انا مش بدافع عن حد ولا عن فصيل معين
لكن فى حق وفى باطل
يعنى انت حر تنتقد انتقاد شريف لكن ماتكدبش حد وماطلعش الباطل فوق الحق وتتهمه فى نيته كمان

مهما كان مايطلعش خالد منتصر صح

الاهم من ده كله


فاكرين شهداء 25 يناير
هما راحوا شهدا واحنا اتهبلنا وهنضيع البلد وفاضيين للمهاترات دي
من امثال الاخوان حلوين لا وحشين
والشعب ده فى حضانه ولا خامسه ابتدائي

مصر امانه فى رقبتك يامصري انت وهو

عارف كده ولا لأ


من فضلكم يامصريين اتحدوا واستقيموا على الصراط المستقيم يرحمنا ويرحمكم الله

مقارنه مستحقه -فهمى هويدي

خليك حيادى وقارن صح ماتبصش للماركه وتتحيز للى يعجبك من غير تفكير ومن غير ماتشوف الحقيقه الواضحه

بصراحه فهمى هويدي ده رائع

يمكن زهقتكم معلش انى مش بتكتب ومعظمها موضوعات منقوله

بس فعلا ماشفتش انسان حيادى على حق من غير مايمس ثوابته وافكاره ومبادئه


رايي ان مفكرين الايام دي اشباه مفكرين

بل واشباه رجال

اتكرككم مع المقال





صحيفة السبيل الاردنيه الأحد 19 جمادي الاخره 1432 – 22 مايو 2011
مقارنة مستحقة – فهمي هويدي
http://fahmyhoweidy.blogspot.com/2011/05/blog-post_22.html

أؤيد الذين عبروا عن استيائهم وغضبهم إزاء إبراز خبر اختطاف بعض الأقباط لإحدى الفتيات وتعذيبها ووشم الصليب على يدها.

وكانت السيدة منى مكرم عبيد أحدث الذين رفعوا أصواتهم معبرين عن تلك المشاعر، فيما نقلته على لسانها أمس صحيفة «الشروق»، في سياق حديثها عن مبررات تجميد عضويتها في حزب الوفد.
إذ تساءلت: «كيف تنشر جريدة حزب ليبرالي «تقصد صحيفة الوفد» تحت عناوين حمراء واقعة كان يمكن «وضعها في صفحة الحوادث، في الوقت الذي يجتهد فيه كل شرفاء مصر محاولين لملمة الأوضاع وتهدئة المشكلة الطائفية.. كما أن هذا ليس وقت الإثارة والسبق الصحفي على حساب السلام المجتمعي؟».
جاءت كلمات السيدة منى مكرم عبيد ضمن تقرير نشرته «الشروق» على الصفحة الأولى أمس (21/5) ذكر أيضا أن خمسة أشخاص بينهم ثلاثة من أعضاء الوفد قدموا بلاغا إلى النائب العام اتهموا فيه رئيس مجلس إدارة الصحيفة وثلاثة من مسئولي التحرير فيها بالتحريض على الانتقام من الأقباط وإثارة الفتنة الطائفية.
كما أشار التقرير إلى أن عددا آخر من أعضاء الوفد قدموا استقالات جماعية من الحزب للسبب ذاته.
كانت صحيفة الوفد قد نشرت القصة في عدد 17/5. إذ أبرزتها بعناوين مثيرة للانتباه على الصفحة الأولى، وعلى الثالثة نشرت القصة كاملة، مدعومة بصور للفتاة قبل أن يحلقوا لها شعرها وبعده، وأخرى ليد الفتاة وقد وشم عليها الصليب.

وكانت العناوين كالتالي:
رغدة (اسم الفتاة): أقباط اختطفوني ووشموا الصليب على يدي
ــ حبسوني مع 4 فتيات مسلمات في غرفة تشبه الزنزانة لمدة ثلاثة أيام
ــ ربطوني بالحبال وضربوني بالأحذية وحلقوا شعري وأجبروني على قراءة ترانيم مسيحية.

وتحت العناوين تفاصيل مثيرة لا داعي لاستعادتها، انتهت بمطالبة أم الفتاة بضرورة ضبط الجناة ومساءلتهم.
في عدد لاحق (يوم 20/5) نشرت «الوفد» على الصفحة الأولى تقريرا ذكرت فيه أن بعض الأقباط المعتصمين أمام مبنى ماسبيرو «مقر التليفزيون» قاموا بالاعتداء على مندوبي الجريدة. وأن قبطيات حاولن خلع حجاب اثنتين من المحررات. كما نشرت الصحيفة تعليقا تحت العنوان التالي:
وقائع مؤسفة نضعها أمام البابا ونطلب رأيه فيها.
هذا الذي حدث مع الفتاة رغدة التي عذبت وتم وشم الصليب على يدها، وكذلك محاولة خلع حجاب اثنتين من الصحفيات، إذا وضعته جنبا إلى جنب مع قصة قبطي قنا الذي تم الاعتداء عليه في الشهر الماضي للاشتباه في أنه يدير بيتا لأعمال منافية للآداب. مما أدى إلى إصابة أذنه وقطعها، فسنجد أن الأمر يستحق المقارنة، كما أن العبرة تظل واحدة.

ذلك أن قصة الرجل القناوي أبرزت على الصفحة الأولى لجريدة الأهرام، وكانت العنوان الرئيسي لها. ورغم أن الدافع إليها كان غيرة على الشرف بأكثر منه غيرة على الدين، إلا أن الخبر نشر بحسبانه تطبيقا لحد شرعي، من جانب بعض السلفيين. وحينذاك ثارت في مصر ضجة دفعت شيخ الأزهر إلى التدخل في الموضوع ومحاولة تسويته..

رغم أنه لم تثبت مسئولية السلفيين عن الموضوع. إلا أننا ما زلنا حتى الآن نقرأ عن إقدام المتطرفين المسلمين على قطع آذان الأقباط، واتهام السلطة بالتقاعس والتستر، لأنها لم تعاقب الذين تورطوا في العملية.
الذي جرى مع الفتاة رغدة جدير بالملاحظة. فإذا صحت المعلومات المنشورة، فإن ذلك يعنى أن ما جرى معها هي وزميلاتها المسلمات كان من فعل بعض المتعصبين الأقباط. لكننا لم نشهد إدانة أو استنكارا له من جانب قيادات الكنيسة، على عكس ما جرى في حادثة قنا. وانصب الاحتجاج على إبراز الخبر وليس على تعذيب الفتاة المسلمة ووشم الصليب على يدها.
المقارنة تقودنا إلى ثلاث خلاصات،

إحداها أن الحماقة والتعصب يتوزعان على الجانبين بدرجات متفاوتة من الغباء والجرأة.
والثانية أن الإعلام حتى في مثل هذه الأمور الحساسة يحرص على الإثارة بأكثر من التزامه بالمسئولية.
أما الخلاصة الثالثة فهي أن الأضواء تسلط على ما هو منسوب إلى التطرف الإسلامي في حين أن ثمة سكونا مثيرا للدهشة على ممارسات التطرف القبطي.

وذلك حاصل بوجه أخص بين شرائح المثقفين الليبراليين المدافعين عن حقوق الإنسان والدولة المدنية. يحيرنا أن يحدث ذلك، لكننا نواجه حيرة أكبر في تفسيره.
..................

الحدود الشرعيه فى الاسلام الفزاعه الجديده

فزاعه
طبعا الاعلام واجع دماغنا ليل ونهار بفزاعه الحدود الشرعيه كأن خلاص خلصنا كل مشاكل مصر وخايفين قوى على الحرامى ايده تقطع مايتحرق الحرامى اسيبكم مع المقاله المبسطه جدا والعاقله جدا لكاتبنا فهمى هويدي والاهم ان هو ده شرعنا وشرع رب العالمين لازم يبقى كلام عاقل وصح فى نفس الوقت


صحيفة السبيل الاردنيه السبت 18 جمادي الاخره 1432 – 21 مايو 2011
حكاية الحدود – فهمي هويدي
http://fahmyhoweidy.blogspot.com/2011/05/blog-post_21.html
إثارة موضوع تطبيق الحدود الشرعية في الإعلام المصري هذه الأيام لا تفسير له إلا بأحد أمرين:
إما خبث القصد أو قلة العلم،
والأول أسوأ من الثاني باعتبار أن سوء النية مبيَّت فيه.

ذلك أن قارئ الصحف المصرية يلمح في الأسابيع الأخيرة على الأقل إشارات واضحة تضع الفكرة على ألسنة بعض المنتمين إلى التيار الإسلامي.
من قبيل ما قرأناه في إحدى الصحف «المستقلة» صحيفة يوم 11/5 عن أن عددا من قيادات التيارات الإسلامية «كشفوا عن أن التحالف بينهم في الفترة الأخيرة، رغم تباين مرجعياتهم الفكرية، هدفه إقامة الدولة الإسلامية وتطبيق الحدود».

ولم تكن تلك هي الإشارة الوحيدة بطبيعة الحال، ولكنها الأحدث في سلسلة الإشارات المماثلة. وإذا أخذتها نموذجا فستدرك أننا بصدد صياغة «مفخخة» لم تستدع فقط فكرة إقامة الدولة الإسلامية وإقامة الحدود، ولكنها اعتبرت ذلك هدفا اجتمعت عليه مختلف التيارات الإسلامية في «تحالف» جديد عقد بينها.

وحين حاولت التثبت من هذه المعلومات فإنني رجعت إلى الذين وردت أسماؤهم في الخبر المنشور، وفي مقدمتهم الأستاذ صبحى صالح عضو مكتب الإرشاد في جماعة الإخوان، فقال لي إن الكلام جزء من الدسائس الإعلامية التي تروج هذه الأيام لأسباب مفهومة. حيث لا يوجد ما يمكن أن يسمى «تحالف» بين التجمعات الإسلامية، وإن كان من الطبيعى أن تجري اتصالات معها، شأنها في ذلك شأن مختلف الجماعات الموجودة على الساحة.

ووصف تلك الاتصالات بأنها «تحالف» يراد به وضع الجميع في سلة واحدة لتعميم الإدانة والاتهام عليهم، خصوصا في الأجواء الراهنة التي تنسب فيها جميع الأفعال الشريرة الحاصلة في البلد إلى التيار الإسلامي.

أضاف أن أحدا لم يشر إلى مسألة تطبيق الحدود في أى سياق ــ ولا تفسير لذكرها في الخبر المنشور سوى أنه من قبيل التخويف والترويع.
أما إقامة الدولة الإسلامية فمن البديهي أن تكون هاجسا يشغل بال كل المنسوبين إلى المشروع الإسلامي. ذلك أنه إذا كان من حق الليبراليين والاشتراكيين والقوميين أن يتطلع كل منهم لإقامة مشروعه، فلماذا ينكر ذلك على الإسلاميين؟

ليس في نيتي في اللحظة الراهنة مناقشة هذا الموضوع الذي لي فيه كلام فصلته في كتاب «للإسلام والديمقراطية» الذي صدر في عام 1993،
لكني أستأذن في استطراد سريع أنوه فيه إلى رأي سجلته في الكتاب خلاصته أنني أنتمي إلى من يقولون بأنه على من يريد أن يقيم الدولة الإسلامية حقا، فعليه أن يدخل إليها من باب الدفاع عن الحرية والديمقراطية بحيث تصبح تلك مرحلة التأسيس التي تتيح للناس أن يحددوا خياراتهم الحقيقية، من خلال التصويت الحر على مشروع الدولة الذي ينحازون إليه.

في موضوع الحدود الشرعية لدي نقطتان،
الأولى أن إبرازها في وسائل الإعلام هذه الأيام بالذات لا يمكن فصله عن الجدل الدائر حول موضوع الدولة الدينية أو المدنية، ولا يحتاج المرء إلى جهد لكي يدرك أن الأمر ليس بريئا بأي حال.
وأننا بصدد فزّاعة جديدة استدعت من مستودع الفزاعات الذي يبدو أن معينه لا ينضب والخبث في هذا الحال أكبر، ذلك أن بعض الممارسات التي تخوف الناس تنسب في العادة إلى الجماعات بذاتها فتنفر الناس منهم. لكن التخويف من الحدود يوجه السهم إلى الشريعة ذاتها وليس إلى فصيل أخطأ أو أصاب في فهم التعاليم.

النقطة الثانية أن الربط بين الإسلام دين الحدود موقف استشراقي يختلط فيه الخبث مع الجهل. إذ في حين ينص القرآن صراحة على أن الله يأمر بالعدل، فإننا لا نستطيع أن نفترض البراءة فيمن يختزل الإسلام في مجرد تطبيق بالحدود، التي هي من آخر ما نزل من آيات القرآن، علما بأن البحث الجاد في شأنها يبين ثلاثة أمور:

الأول أنها لا تطبق إلا إذا بطلت كل الذرائع التي تحول بين الناس وبين الانحراف. ومعروفة قصة تعليق تطبيق حد السرقة في عام المجاعة، كما أن الفقهاء اشترطوا لإعمال الحد أن يلجأ المرء إلى السرقة مثلا رغم توفر كل احتياجاته الأساسية.

الثاني أن الشارع حدد شروطا تكاد تكون تعجيزية لتنزيلها على الواقع. حتى قال بعض الفقاء إنه أريد بها الإنذار والتخويف من الانحراف وليس التطبيق الحرفي.

الأمر الثالث يدلل على سابقة لأن بعض القضاة كانوا يحثون المتهمين على عدم الاعتراف بالجرم لكي لا يطبق عليهم الحد. فكان الواحد منهم يسأل المتهم مثلا:
هل سرقت؟ ثم ينصحه قائلا: قل لا
ــ كما تذكر كتب السيرة أن رجلا توجه إلى النبي عليه الصلاة والسلام واعترف أمامه بالزنى فقال له النبي: هلّا سترتها بثوبك؟

إن أسوأ ما في تلك التجاذبات ليس فقط أنها تسعى إلى تخويف الناس من الإسلام وأهله، وإنما أنها أيضا تصرفهم عن الانشغال بتحديات اللحظة الراهنة التي ينبغي أن يتصدوا لها ويستنفروا لأجلها.

شهاده احد المتظاهرين على أحداث أمس امام السفاره الاسرائيليه


القاهرة | شهادة عبد الرحمن عز على احداث السفارة امس
المصدر: شبكه رصد على ا لفيك بوس زي مابيقولوا بتوع الشرطه اكبر كارثه فى ا لشهاده دي ان طلع لسه فى امن دوله فى البلد


كارثه بكل المقاييس والله كارثه ان لسه فى أمن دوله وأمن مركزى غبي لسه موجود


كلمه جميله لتميم البرغوثى عبر تويتر


فليعلم من يحمي إسرائيل من شعبه، أن إسرائيل لن تحميه منهم

افهموها ارجوكم
====================
دي شهادتي على اللي حصل عند السفارة
وهي مهمة جداً لان ماينفعش السكوت عن اللي حصل ابداً
انا وصلت للسفارة الساعة الثانية ظهراً
و الناس بتهتف وكان كل شيء تمام وعادي ود।صفوت حجازي كان موجود وهنا كلمته
والجيش بيحدف لنا ازايز مياه وكله تمام ومفيش أي مشاكل بس مع ملاحظة... وجود نفس أشكال أمن الدولة اللي كنا بنشوفهم دايماً ناحية السفارة

بعد العصر على الساعة أربعة ونصف كده بدأ ظابط جيش كان شايل رتبته اللي على كتفه وبيعدي على العساكر واحد واحد بيحطلهم خزنات للكلاشينكوف اللي معاهم وبيشد الاجزاء ليهم وبيديهم اوامر ،
بعديها بخمس او عشر دقائق عدى لواء شرطة بلبسه الابيض ومعاه كام واحد امن دولة بعديها لواء تاني بعديها بشوية وزعوا على جنود الجيش أقنعة تحميهم من الغاز (ولغاية دلوقتي مفيش أي تجاوز حصل من ناحيتنا )
بعد شوية رائد امن مركزي وجه لنا كلمة(مش عارف ايه السبب للكلمة اللي قالها)
بعد المغرب كان في شوية من المتظاهرين واقفين تحت ناحية الحاجز لقينا الأمن المركزي نزل تحت عند السفارة (والمنطقة دي كانت مغلقة بالسلك الشائك) هتفنا عشان مش عايزينهم يقفوا فانسحبوا

كل ده والناس كانت عايزه العلم الاسرائيلي ينزل أنا كان عندي مشوار روحته ووصلت البيت سمعت ان في مشكلة هناك وانا ساكن في المنيل يعني جنب السفارة توجهت لهناك لقينا الامن المركزي واقف عند نص كوبري الجامعة (وعشان اكون دقيق كان أغلبهم امن من اللي بقوا بيلبسوا بييج)
وسألنا فكتير قالولنا ان بعض الشباب حاول يتخطى الحاجز اللي محطوط عند آخر الكوبري على أول الشارع اللي موجودة فيه عمارة السفارة ، المهم॥ حاولنا نعدي الامن المركزي اللي واقف فعدونا ، بمجرد ما عدينا ظهر كذا ظابط أمن دولة ومقدم جيش وزعقوا فينا وبيرجعونا فاعترضنا بكل احترام (ده واحنا سامعين ضرب نار كثيف و قنابل وشايفين بهدلة بتحصل للشباب اللي واقف بعد الكوبري) فظابط الجيش انفعل جداً وخد واحد مننا واتعصب هو وبتوع امن الدولة علينا ولما اعترضنا على انه اخد الشاب اللي كان معانا مقدم الجيش طلع الطبنجة وهددنا بيها وخد واحد تاني مننا وضربه بالقلم جامد جداً وخده تحت ناحية السفارة ، ورجعونا فرجعنا
وقولنا نروح نشوف الموقف ناحية الشباب اللي بيتضربوا دول لفينا من ناحية كوبري عباس لغاية شرع مراد ولفينا من ميدان الجيزة لجامعة القاهرة ولقينا كمية غاز وقنابل بتتضرب بطريقة فظيعة وبعدين الضرب وقف ، فطلعنا قدام وتناقشنا مع ظباط امن مركزي ومفيش أي حد مننا اتخانق معاهم او حاول يستفزهم فاعتذروا لنا وقالولنا اقفوا عند تمثال نهضة مصر واهتفوا بشكل سلمي ومحدش هيعملكم حاجة لسه بنتكلم معاهم ولقينا كمية قنابل غاز فظيعة
وغالباً اخدوا كام واحد مننا لاننا كنا قدامهم مباشرةً فجرينا فدخّلوا عربية مدرعة من بتاعت الامن المركزي
وطلع منها ظابط بيضرب علينا قنابل بردو ، وفضلوا يضربوا علينا ويتقدموا وكل ده وقليلين جداً اللي كانوا بيدافعوا عن نفسهم بالحجارة ،
المهم فضل الأمن يتقدموا ويحدفوا القنابل علينا وناحية العربيات وعربيات الاسعاف اللي كانت قايمة بدور رائع فعلاً لغاية لما وصلوا لجامعة القاهرة مع استمرار حدف القنابل لغاية الفجر و فرقونا و كلنا رجعنا لبيوتنا

ملاحظات: شوفت بعيني اتنين على الأقل من البلطجية ومخبري أمن الدولة بلبس مدني بيهاجمونا مع الأمن المركزي كان موجود اسلام فارس عضو ائتلاف شباب الثورة وبلغني بان أغلب شباب الائتلاف موجودين تم اعتقال شباب ، وفي اتنين من اصحابنا اللي كانوا معانا مش لاقيينهم ومش عارفين هما فين؟؟!

الجيش كان بيضرب نار في الهواء بغزاره مش عارف حي ولا صوت بصراحة شباب بلغني ان في شاب قُتل برصاصة في رأسه بس انا متحققتش من الكلام ده بنفسي ولكن اكدولي بان صاحبهم مصور فيديو ليه سمعت بإن القوات الخاصة (التابعة للجيش) قامت باعتقال بعض الشباب كان في شباب بيقولوا ان كان في ظابط بيديهم القناع يتنفسوا منه بسبب الغاز وان ظابط او جندي من الجيش اتأذى بسبب القنابل في شهادات من ائتلاف شباب الثورة أكدوا ان مفيش حد حاول يقتحم السفارة، اللي كان بيقود الامن المركزي اللواء فاروق لاشين وهو احد الظباط المتهمين بقتل المتظاهرين بالقليوبية والله على ما أقول شهيد ياريت بقى منقعدش نهاجم الشباب المتظاهر ونعول على الطريقة اللي عبروا بيها ونغفل اللي حصل من الجانب الآخر

أمام قدر الله ماذا عساك أن تفعل؟





فى اشد الاوقات التى مرت علي اتذكر هذه الايه
قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ
فاللهم ذكرنا من القرن مانسينا وعلمنا منه ماجهلنا


ايضا مرت على نفس الأيه التى أسمعها عندما تحدث مصيبه

وهذه الأيه اما أسمعها بعد المصيبه او قبلها

هذه المره كانت قبلها وان كانت بعد أزمه اخرى

واتذكر انى كتبت عنها من قبل

احيانا تأتى المحنه حتى تفهم معان اخرى

واهمها معانى كتابك وقرانك العظيم

هده الايه هى ايه سوره الانعام

قال الله تعالى فى محكم اياته: {وَإِن كَانَ كَبُرَ عَلَيْكَ إِعْرَاضُهُمْ فَإِنِ اسْتَطَعْتَ أَن تَبْتَغِيَ نَفَقاً فِي الأَرْضِ أَوْ سُلَّماً فِي السَّمَاء فَتَأْتِيَهُم بِآيَةٍ وَلَوْ شَاء اللّهُ لَجَمَعَهُمْ عَلَى الْهُدَى فَلاَ تَكُونَنَّ مِنَ الْجَاهِلِينَ}

فعندما تحدث ازمه او مصيبه ماذا عساك ان تفعل امام قدر الله

هَلْ لَكُمْ مِنْ مَا مَلَكَتْ أَيْمَانُكُمْ مِنْ شُرَكَاءَ
واقرأ تفسير ابن عباس لتفهم معنى الايه السابقه
قال ابن عباس : تخافونهم أن يرثوكم اي امائكم وعبيدكم كما يرث بعضكم بعضا فإذا لم تخافوا هذا من مليككم ولم ترضوا ذلك لأنفسكم ، فكيف رضيتم أن تكون آلهتكم التي تعبدونها شركائي وهم عبيدي


سبحانه ليس له شريك فى الملك
والحمد لله انه كما قال فى كتابه العزيز
وَقُلِ الْحَمْدُ لِلّهِ الَّذِي لَمْ يَتَّخِذْ وَلَدًا وَلَم يَكُن لَّهُ شَرِيكٌ فِي الْمُلْكِ وَلَمْ يَكُن لَّهُ وَلِيٌّ مِّنَ الذُّلَّ وَكَبِّرْهُ تَكْبِيرًا

وسبحان الملك مدبر الامور
فى الفتره السابقه قرات تفسير سوره ال عمران للعلامه الرائع سيد قطب من تحفته وكتابه الرائع ظلال القران
واستوقفنى كثيرا كما استوقف الشيخ سيد قطب واسرد له صفحات فى تفسير المعنى الاتى للمنافقين فى غزوه احد

قول المنافقين
يَظُنُّونَ بِاللَّهِ غَيْرَ الْحَقِّ ظَنَّ الْجَاهِلِيَّةِ يَقُولُونَ هَلْ لَنَا مِنَ الْأَمْرِ مِنْ شَيْءٍ
ويرد الله عزوجل عليهم مخاطبا رسوله الكريم

قُلْ إِنَّ الْأَمْرَ كُلَّهُ لِلَّهِ


سبحانك يارب



سأقول ماتريد

ان الامر كله لله

يمكن ان تحزن ان تعتزل الناس

ان لاترى امامك من هول المصيبه ومن هول الصدمه


لكن ايا كان درجه ماستصل اليه

هل سيغير شيئا من قدر الله
كما كان يقول لى ابي حد له فى نفسه حاجه

رحمك الله ياحبيبى رحمه واسعه

عندما حدثت الحادثه الرهيبه

لم يمت منا احد ولكن اختاره الله

اذن الموت ليس له سبب

الموت موت

الموت اجل قضاء
عمر قدره خالق الكون لكل شئ بهذا الكون
وبحسابات منظقيه
الدنيا لاتساوى عند الله جناح بعوضه

اذن انا ماذا اساوى اما الله عز وجل


انا او انت او اي بشر لنا اعمالنا
يحكم عليها من له الحكم

ان الحكم الا لله
سبحانك يارب
لم اكن اتخيل فى وقت من الاوقات ان يحدث لى نصف ماحدث ولا حتى اقل من ذلك

وكنت حتى تاتى هذه الخاطره على تفكيري ازيحها تماما ولا اتخيل ان ساعيش يوما بعدها

لكن قدر الله
ولكن صبر نزل بعباده
صبر احسسته ليس منى وانما من الله

وليس جزاءا لاعمالى الصالحه

ولكن جزاءا لابي ان يصبر اهله عليه ولا يقولون الا مايرضي ربنا
ان لله وانا اليه راجعون
وان العين لتدمع وان القلب ليحزن ولا نقول الا مايرضي ربنا
وان لفراقك يااغلى الاحباب ياابي لمحزنون
اخر شئ تذكرته واحسست بشئ من الراحه

إِنّكَ مَيّتٌ وَإِنّهُمْ مّيّتُونَ * ثُمّ إِنّكُمْ يَوْمَ الْقِيَامَةِ عِندَ رَبّكُمْ تَخْتَصِمُونَ

وهذا هو المعيار


كلنا سنموت ولكن

على ماذا سنموت
نسال الله العفو والعافيه وان يحسن ختامنا ويرحم امواتنا ويتجاوز عن سيئاتهم فى اصحاب الجنه وعد الصدق الذى كانوا يوعدون
ويجعل ابي فى روضه من رياض الجنه ويرزقه الفردوس الاعلى من الجنه مع النبيين والصديقين والشهداء والصالحين وحسن اولئك رفيقا


دعاء ختم القران لابي الشيخ محمد السروى رمضان 1431


دعاء ختم القران لابي الشيخ محمد السروى فى رمضان الماضي










لابي الشيخ المهندس الحبيب محمد السروى فى رمضان الماضي

احبك ياابي ولا كلام بعدك

ويعلم الله انى لم اتكلم عنك فى اخر بوستين ليس لشئ الا لانى لااقدر عن الكلام عنك

نسألك ياربنا صبرا جميلا من عندك

فالمصيبه عظيمه اصعب من احتمالى فانت خلقتنا بشرا
وقلت سبحانك وخلق الانسان ضعيفا

فى وقت من الاوقات تصورنا اننا نملك جزء من القوه بل ذره

لكن فى كل وقت وحين نرى ضعفنا ظاهر بين ايدينا

ومع هذه الحادثه والمصيبه الفظيعه
ومع الاحساس انك اصبحت وحيدا من دون احب القلوب اليك واحب الناس اليك

من احبك لا ينتظر اي مقابل

من تعب فى الدنيا بسببك

من كنت انا سببا فى تعبه فى حياته
يارب لانريد منك شيئا الا ان تطمئننا عليه
الا ان يسعد بنا

مابي اصعب من التعبير عنه بصفحات من كتب

مابي لااقدر فعلا على البوح به ولا على التعبير عنه

فانت كنت وستزال حبيبى وروحى وقلبي انك انت انا
انا جزء منك
انا حبيتك لاخر العمر
وانت كنت حبيبى لاخر العمر
وستظل حبيبى
يارب رحمتك بينا
يارب نفرحه

اللهم اجعل ابيى وحبيبى فى الفردوس الاعلى من الجنه

اجعله مع النبيين والصديقين والشهداء
اللهم قر عينه بنا نحن ابنائه


اللهم اجعل كل حسنه فى ميزانه جزاء ماعلمنا وربانا
ولا تجعل اي شيئه عملناها او سنعملها فى ميزانه فهمو براء منها

وانما هو ضعف نفوسنا
اللهم اغفر لنا جميعا

يارب ارزقنا الاخلاص واجعل اعمالنا صالحه

وارحم ابي وطمئنه علينا

بحبك يابابا حب مفيش حد حبه لحد لان انا وانت ماكناش بنت وابوها وكل الناس يعلم

وانما كنا روحا واحده وقلبا واحدا
رحمتك بي يارب

ارزقنى يارب صبرا من عندك
اجعلنى انا واخواتى على قلب واحد يارب

برده نفس البنت ويقولوا انها كاميليا شحاته





انا بصراحه مش مصدقه وياريت يرحمونا بقى اللى فينا مكفينا ياريبتهم ماطلعوها

هى دي شكل كاميليا شحاته
ايوه انا ماشفتهاش بس دى غير باقى الصور اللى مفيش بنى ءادم انكر ان دي صورها الحقيقيه


رحمتك يارب

حد قالكم طلعوها احنا قلنا تروح بيتها مش تطلعها فيديو كونفرانس
رحمتك يارب

وبعدين ايه حكايه انها هتموت علشان تفضل مسيحيه

اشمعنى هى يعنى اللى هنموت ونخليها مسلمه

خلاص هى الوحيده اللى مسيحيه فى البلد

ارحمونا بقه


ده خلاصه كلامها من الدستور

وده لينك الفيديو

في أول ظهور تليفزيوني لها، أكدت كاميليا شحاته، زوجة كاهن دير مواس، التي يطالب السلفيون بظهورها، على قناة الحياة القبطية أنها مسيحية وستظل كذلك طوال عمرها، نافية أن تكون الكنيسة قد احتجزتها.

وظهرت كاميليا في القناة بطريقة الفيديو كونفرنس في لقاء مسجل مع زوجها الكاهن تداوس سمعان وابنها أنطوان، وقالت إن المشكلة بدأ بأنها "طفشت من البيت وماقالتش لحد عشان زعلانة من جوزها" وأن زوجها أبلغ أنها اختفت قبل أن يشيعوا في المنيا أنه تم اختطافها، وأضافت أنها ذهبت للإقامة لدى بعض أقاربها، لتريح أعصابها من ضغط العمل.

وأشارت، إلى أنها لم تتعرف إلى أي من زملائها المسلمين بالمدرسة التي تعمل بها – والتي قيل أنه هو من دعاها للإسلام – مؤكدة أنها لم تكن تعرف أسماء زملائها، وأن كل ما قيل عن حفظها لبعض أجزاء من القرآن أو ذهابها لمشيخة الأزهر هو كلام عار تماما من الصحة، وأن صورتها التي انتشرت على مواقع الإنترنت وهي ترتدي الحجاب، هي صور مفبركة، لأنها لم تغط شعرها أبدا.

وعن المستندات التي تخص كاميليا والتي نشرها أبو يحيى على أنها دليل إسلامها، قالت أن هذه المستندات كانت لديها عندما ذهبت إلى أمن الدولة، وأنهم في أمن الدولة أخذوا تلك الأوراق ولم تعرف مصيرها بعد ذلك، وتساءلت: "هل سرب أمن الدولة المستندات للسلفيين؟ الله أعلم".

واعتذرت للمسيحيين مشيرة إلى أنه لم يتم تسليمها للكنيسة مؤكدة "الكنيسة ماعملتش حاجة وماعرفش إيه دخلها في الموضوع أصلا".

وأضافت كاميليا أن خطأها هو خروجها من البيت دون أن تخبر أحدا، وأوضحت أن الذي استلمها من أمن الدولة كان أختها وزوج أختها مؤكدة أنها لا تعرف "أبو يحيى" -الشيخ الذي قال إنها أسلمت على يديه- ولم تقابله في حياتها، كما أن الكنيسة لم تتسلمها ولم تذهب إلى الكاتدرائية.

وعن المبلغ الذي قيل أنها قامت بسحبه من البنك قبل اختفاءها، قالت كاميليا، أن تلك الأموال ملكها، وأنها لم تكن تبرعات للكنيسة كما ادعى البعض.

ونفت كاميليا، أن تكون الكنيسة قد سعت كي تعيدها إلى زوجها، أو تكون قد أجبرتها على ذلك، أو حتى احتجزتها كما يدعي السلفيون، وقالت: "السلفيون هم الذين يحتجزوني الآن لأني أخشى الخروج من منزلي والنزول للشارع .. حتى لا يتم قتلي ويتهموا الكنيسة"، وأضافت: "المسيح هو اللي بيحمينا دلوقت وبيدينا قوة عشان نواجه بيها اللي بيحصل".

من جانبه، أكد الكاهن تداوس سمعان، زوج كاميليا، أن زوجته، لم تخبر أحدا بمكان تواجدها، عقب الخلاف الأسري الذي نشب بينهما، وهو ما دفع البعض للادعاء بأنها خطفت وأنها أسلمت.

وأشار سمعان، إلى أن أحمد الطيب شيخ الأزهر وعلي جمعه مفتي الجمهورية والشيخ جمال قطب وغيرهم من المفكرين الإسلاميين كالدكتور سليم العوا، أكدوا أن كاميليا لم تذهب يوما إلى مشيخة الأزهر ولم تشهر إسلامها، وأن الأزهر بكامل هيئاته نفى ذلك।


كما نفى سمعان، أن يكون قد سعى لتنظيم المظاهرات عقب اختفاء زوجته، مؤكدا أنه تفاجأ بتلك المظاهرات بعدما تجمع أهالي دير مواس، مطالبين بظهور "زوجة أبيهم"، كما نفى أن يكون قد نشب بينه وبين زوجته أي خلاف ديني، وأنهما لم يتحدثا يوما عن الإسلام، كما أن كاميليا من أنشط خادمات الكنيسة في دير مواس، وأنه لم يلحظ عليها أي اهتمام بالدين الإسلامي أو القرآن.

وأضاف سمعان، أن هدف كل ما حدث وما أثير حول زوجته، لم يكن المقصود به كاميليا، وإنما قصد به الهجوم على الكنيسة والبابا شنودة تحديدا، مستدلا على ذلك بأن مظاهرات التي نظمها السلفيون في الإسكندرية، هاجمت البابا بشدة واستهانوا بصورته وسبوه.

وقال سمعان، "يكفي أنهم شوهوا صورتي وصورة زوجتي، وان ابني لن يعيش حياة طبيعية كباقي الأطفال.. ولو أن كاميليا دخلت الإسلام فعلا .. لما احتاج الأمر لكل هذه الضجة".

وأكد، زوج كاميليا، أنه تأكد من وجود زوجته طوال فترة غيابها، لدى أقاربهم، وأنه ما كان ليرضى بالعيش معها لو أنه لم يتأكد من ذلك، مضيفا: "كانت كل أمنية كاميليا إنها تتجوز كاهن.. فكيف تهرب منه بعد كده".

وفي النهاية طالبت كاميليا من السلفيين الكف عن تشويه صورتها والتوقف عن تنظيم المظاهرات التي تسيء للكنيسة।


المصدر: الدستور

مدون نقل مقتل بن لادن بدون علمه



نقل مدون أحداث عملية قتل زعيم تنظيم القاعدة أسامة بن لادن في بلدة إبت آباد الباكستانية على موقع التواصل الاجتماعي تويتر دون أن يعلم حقيقة هذه العملية.

فقد اكتشف المدون صهيب آثار (33 عاما) -الذي انتقل إلى هذه المنطقة الهادئة هربا من ضجيج المدينة- أنه كان ينقل الغارة دون أن يعلم ماهيتها.

فبمجرد أن بدأ يرسل الرسائل على تويتر بشأن قيام طائرة عمودية بإطلاق النار والصواريخ فوق المنطقة الساعة الواحدة صباحا من هذا اليوم الاثنين، حتى تابعه 14 ألفا من مستخدمي الموقع.

وقال آثار في أول رسالة بعث بها على تويتر "تحليق طائرة عمودية فوق إبت آباد الساعة الواحدة صباحا حدث نادر".

ثم كتب أن طائرة واحدة سقطت، فتقدمت طائرتان اثنتان، ووصف اهتزاز النوافذ والتفجيرات التي وقعت، متسائلا عن ماهية هذه الطائرات التي تحلق في الأجواء.

وأشار المدون كذلك خلال جريان المعركة إلى ما يدور من شائعات في البلدة، منها: حادث تدريب. مقتل شخص. الطائرة قد تكون طائرة بدون طيار. الجيش يقوم بعمليات تفتيش شاملة في المنازل. هناك صوت لطائرة في الأجواء.

ولم يجب آثار على مطالب وسائل الإعلام للتعليق، وقال في رسالة على توتير إن المرشح الذي أعده لوقف تدفق الرسائل البريدية إليه ربما حجب مطالب لإجراء مقابلات معه.

ولدى سماعه الأنباء صباح اليوم، أدرك آثار حينها ماهية ما كان يشهده، وقال في رسالة على تويتر "أعتقد أن تحطم الطائرة في إبت آباد وخطاب الرئيس الأميركي باراك أوباما كانا مرتبطين معا"।


المصدر: أسوشيتد برس والجزيره

Newer Entries » « Older Entries

اخر الاخبار

Pages

عن المدونه

هذه مدونه شخصيه لصاحبتها جيجي والعالم


بمعنى ان كل اللى فيها يخص جيجي والعالم وافكارها الفضائيه المجنونه

اللى اهم حاجه فيها انها حره فيها

مش هي دي الديمقراطيه يادعاه الديموكراسي

مدونتى هذه هي انا

(إِنَّا نَحْنُ نُحْيِي المَوْتَى وَنَكْتُبُ مَا قَدَّمُوا وَآَثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ) [يس : 12]

صلى الله على محمد صلى الله عليه وسلم

صلى الله على محمد صلى الله عليه وسلم
اجمل مكان رحته فى حياتى سلاما لأهل هذا البلد

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ

أوقات الصلاة لأكثر من 6 ملايين مدينة في أنحاء العالم
الدولة:

I favor the Syrian Revolution

I favor the Syrian Revolution
myspace hit counter

مش المهم انا مين المهم هبقى ايه

اخلص دعاء ممكن تسمعه -اللهم تقبل منك ياابي واجعله ربي برحمتك وفضلك فى الفردوس الاعلى من الجنه

حتى لاننسي

انت رجل وان كنت لا اعرفك

انت رجل وان كنت لا اعرفك
ربنا يعزك زي ماانت محسسنى بالعزه

ثوره على ضفاف النيل

ثوره على ضفاف النيل
اللهم تم علينا النعمه وول علينا خيارنا ولاتول علينا شرارانا

فرحه مصر

فرحه مصر
يااااااااااااااااااااه يامصر انا بحبك قوى

فرحه مصر

فرحه مصر
انا مسلمه مصريه وافتخر

اللهم احسن خاتمتنا وتوفنا وانت راض عنا

اللهم احسن خاتمتنا وتوفنا وانت راض عنا

الفريق سعد الدين الشاذلى

الفريق سعد الدين الشاذلى
اللهم اجزه عنا خير الجزاء واجعله عندك مع النبيين والصديقين والشهداء

الفريق سعد الدين الشاذلى : الولاء لله اولا

اشاره مرور المدونه اوعى تمشي فى الاتجاه العكسي