وحشتنى يابابا ياحبيب حياتى

اهلا مدونتى مكانى الوحيد اللى انا حره اتكلم فيه


ورغم ان حواليا ناس كتير


بس مش عارفه من غير بابا الدنيا فاضيااااااااااااااااااااااااااااااااااااااااااااااااااااااااااااه رغم ان كل يوم بخرج وبنزل وبشوف ناس جديده


بس مش لاقياه حبيب عمرى حياتى اللى راحت واللى جايه

الغريب انى مابحاولش اوشف صوره مش قادره احس انه بقه صور بس

مش قادره اسمع صوته او اى حاجه ليه

مش عارفه عايزه انسى
عبحاول انسى ان كان فى حياتى واحد هو كان كل حياتى
مش كان 

انا حاسه انى انا منه ومن يوم مااتولدت وحبه ده عايش جوايا عايش فى قلبي
وغصب عنى فاكراه فكره لك تفاصيلنا مع بعض

فاكراله كل حاجه


فاكره انى من غيره ولا حاجه

حتى وانا فى ماشيه فى الشارع بفضل ادور على عربيتنا ولما لاقى عربيه زيها بتخض هو فيها


افتكر انه مش ممكن يكون فيها


لما باجى هنا البيت مش بلاقى عربيتنا ادام البيت بتاثر قوى 

هو لسه ماجاش 
بتالم اكتر لما افتكر انه مش هييجي
فاكرهلما ببقى فى مكان يفضل قلقان لحد مايطمن انى بقيت معاه وطول الوقت يتصل بيا انتى فين دلوقتى كيب عايزه حاجه
طيب ماتتاخريش ياحبيبتى
فاكره انه يرجع من الشغل بسرعه علشانى انا قاعده لوحدى فى البيت

فاكره كل ده 
مش عارفه انا فعلا عايشه ازاى من غيره
بس بعد تفكير كتير لاقيت ان ربنا اداالى عمر مش اكتر
يمكن بيبعتلى ناس بتقف جنبى بس اكيد مش زيه 

انا مش عارفه ليه حبيته بالشكل ده


ماكل الناس بتحب باباها ومامتها ليه انا كده


حاسه ان الدنيا من غيره ولا حاجه

الدنيا ايوه بدات تمشي مع اللى حواليا


لكن انا من اللحظه دى حياتى انتهت

كل مااخاف من بكره اقول مش هتفرق اذا كان اغلى انسان راح منى
هتعملى ايه اذا حصل اي حاجه


لكن فى نفس الوقت برده بخاف مع انها مش فارقه

بس بخاف وبقلق 
بخاف من الناس 
بخاف من اللى حواليا

بخاف من حياتى

بخاف من الى جاى

بخاف من نفسي

اتغيرت كتير بعدك يابابا


نقطه فاصله جدا اللى حصل ده


بجد انا حاجه قبلها وحاجه تانيه خالص بعدها


يمكن حد تانى 

يمكن الحاجه اللى بعتبرها ايجابيه هى انى بقيت اقوى بس ادام الناس بس


احساسك ان مفيش حد هيقف معاك ان مفيش حد هيفهمك ان مفيش حد انت محور حياته


صعب تلاقى حد كان بيعمل اللى بابا كان بيعمله معايا


لكن هقول ايه ياريته خلانى كرهته

ماكانش يقدر ولاكان يعرف

كل مايحصل حاجه بفكر هو انا خلاص بجد بقيت لوحدى مفيش حد هيحس بيا
مفيش حد هيبقى جنبي

هيبقى ظهرى 
هيبقى الدنيا كلها اللى مش عارفه اعيش فيها حقيقى من غيره

لكن بابا ساب فيا شويه ايمان هما اللى بييدولى قوه وصبر
شكرا يارب

انا من غير الشويه دول كنت اتجننت


عمرى مااتعلقت بحد بالشكل ده لكن ربنا قدر كده

بس انا حاسه انه جوايا انه جنبي يمكن مش لاقياه بجد


بس بحلم بيه كتير بيحضنى ويبوسنى بشكل غريب

معقول يكون حاسس انى من غيره ولا اى حاجه ولا انا اصلا كائن مش حتى بشر


حاسه انى مش حاسه اللى بيحصل ولا حصل


كل اللى عارفاه انى بتصدم كتير وانى لوحدى بس مش حاسه او بتفرج على فيلم انا مش فيه


سيناريو ماشي انا فيه بس مش عارفه ايه دورى استقبل بس طعنات

استقبل كل اللى بيحصل

كل يوم يعدى اوقل خلاص مش هييجي اسوءمنه


لايمكن يحصل اكتر من اللى حصل


لكن افاجأ انه اسوء بكتييييييييييييييييييييييييييييييييير 
وانى فعلا هنت على ناس كتير


بس ارجع واقول ان مش حاسه فعلا

دوشه حواليا فى كل مكان بس هباء 

اللى بس حساه ان بابا مش موجود وانى مش لاقياه حتى فى الاماكن اللى كان دايما فيها مش موجود


يارب رحمتك

يارب انت تعلم اللى بيا


يارب بابا وحشنى جدا جدا جدا

يارب ارزقنى صبرا جميلا وقلبا مطمئنا 
ومدنى بقوه ومدد من عندك


شاهد على الثوره د صفوت حجازى الجزء السادس والسابع





استكمالا لما بدأناه من عرض حلقات برنامج شاهد على الثوره للدكتور صفوت حجازى نعرض اليوم الحلقه السادسه والسابعه من شهادته على الثوره
 مع الاعلامى المميز احمد منصور



للاستماع للحلقات السابقه يرجى مراجعه الرابط الاتى










اطيب التحيات 

اهلا اردوغان ومش اهلا باللى بيحمى اسرائيل ايا كان



تحديث




نسيت اسجل اعتراضي الشديد على تفعيل قانون الطوارئ يعنى نرجع فى الثوره دى ولا ايه


ياجماعه الشعب المصري معظمه عند ضغط وسكر حرام عليكم وبعدين خوا بالكم مابقيناش بنخاف خدوا بالكم قوى من النقطه دي


......................................................






قبل اي حاجه لازم ارحب باردوغان هنا ى مصر


واقوله بجد نورت مصر وبجد البيت بيتك
الله يخليك ماتمشيش الا لماتدى المجلس العسكري - اللى كان عامل جدار علشان يحمى الصهاينه-  تديله درس فى الشهامه والعزه

وانه لازم كل العالم يعرف
ولله العزه ولرسوله وللمؤمنين ولكن المنافقين لايعلمون


حد يقولهم ياجماعه بس المشكله ان ربنا قال انهم مش هيعلموا فمفيش فايده


مش بتهم حد بالنفاق لكن افتكرت الايه

المهم انا كنت ناويه اكتب عن حاجه تانيه خاااااااااااااالص بس واضح ان الكلام بيهرب وتلقائيا بيتكلم عن حاجه تانيه خاااااااالص


خلونا بقه نتكلم عن المجلس العسكري وعن اللى حصل عند السفاره


 قبل اي شئ لازم كل الناس تلاحظ ان المدونه بتاعتى يعنى سيادتى حره تماما فى رايي وزى ماانا بقبل اى وجهه نظر تانيه مش قوى يعنى خصوصا اذا كانت موجهه فلازم كل واحد يقبل براي التانى هى دى الديمكراسي ياجماعه

خلاص كفايه بتحبي انتى الكلام الكتير

خلينا ندخل فى الموضوع ونتكلم جد





خلونا نقسم الموضوع

اولا شكرا للالتراس وبجد ده بياكد ان حب الناس للاهلى ( للاهلى بس مش الزمالك) مكانش الناس بتطلع هومها فيه لان الناس كانت بتحس بالوطنيه والانتماء بس ماكنتش لاقيه حاجه تقول فيها بحبك يامصر الا ماتشات الاهلى والمنتخب وده اللى اكده الالتراس المحترم اللى طردلنا السفير الاسرائيل ربنا يعمر بيتهم والاهلى ياخد الدورى كل سنه

بجد كل الشكراللى فى الدنيا مايكفيش انه اشكركم بيه بعد شكرربنا طبعا
لان فى كل وقت بنتاكد انه فعلا ومابكم من نعمه فمن الله


اللهم لك الحمد حمدا كثيرا مباركا فيه


ثانيا انا طبعا مبسوطه باللى حصل فى السفاره زيي زيي اي حد بيحب مصر وقبلها بيحب دينه انا من الشعب ده لابفهم فى اتفاقيات ولا معاهدات وشكلنا ادام المجتمع الدولى ولا اى حاجه من دى


مااعرفش غير انى بكره اسرائيل وبحب مصر اكتر من كده مش بفهم ولا عايزه افهم وحتى الناس اللى وقوا مع حسن نصر الله مش لانهم بيحبوا الشيعه والعياذ بالله لكن لان لقوا حد مش بيخاف من اسرائيل حتى اذا كان صوريا 
تلقائيا بيفتنوا بيه

ملحوظه مهمه جدا قوى موت خالص انا ضد حسن نصر الله وايران من كل النواحى سياسيا عقائديا عفريتيا من كل النواحى انا بس بضرب مثل اد ايه الناس رضعت كره اسرائيل من امهاتها الاميات مش هقول حتى المتعلمات
كلنا رضعنا وشربنا كره اسرائيل 
افهموا بقه

ثالثا انا بكره وزاره الداخليه اعمل ايه فى نفسي يعنى انتحر
مهما عملوا مش هنسى الظلم اللى عملوه فينا مش بس ايام ثوره لا وقبلها فى كل مكان كان في كلب من كلابهم موجود فى حياتنا وفى مساجدنا وفى بيتنا فى كل مصلحه حكوميه

خايفه اقول فى كل غرفه من غرفنا

 لذا هتقولى مين اللى عمل كده فى الداخليه كل الناس مستعده تعمل وقبلهم هما نفسهم بيعملوا فى نفسهم دول  دماغهم عاليه قوى فى الخراب تخصص يعنى


للعلم علشان اكون صادقه مع نفسي انا بحترم العيسوي ولانه محترم ماينفعش مع دول مش عايزه اشتم والله اسماء الحيوانات خساره فيهم على فكره انا مابخافش ومش بقول كده على العيسوى علشان انا ممكن اكون خايفه


اطلاقا بل بالعكس من كتر ماانا حاسه انه طيب بعتقد ان ممكن تحصل قرارات كتير ومداهمات من غير رايه وده اللى انا شايفاه



رابعا بقه المهم جدا 
هل كان فى بلطجيه وفى مؤامره


اييييييييييييييوه كان فيه  وده مش محتاج اثباتات منظر اللى كانوا على التليفزيونات يقول ان كان فى بلطجيه 
لكن على راي د صفوت حجازى ثوره صنعها الله  


هما حبوا يوقعونا فى شر اعمالنا واسرائيل ترد وشغل بوجي ووطمطم بتاع القناه الاولى الحقوا اسرائي على الحدود 

لا المراكب واقفه فى المهي مستنيه تضرب الحق فى واحد ورا الشباك اهو

فعلا كاننا فى بوجي وطمطم 


المهم سبحان المعز المذل حصل عكس كده وطلع نتن      ياهووووووووو  يقول احنا ملتزمين بالسلام مع مصر


الله علينا لما بس نقول بخ العالم كله يقف تعظيم سلام ويقف مكانه مايتحركش حتى اذا كانت امريكا ولا اسرائيل


الحاجه الاهم انى حسيت فعلا اننا اتغيرنا فجاه مابقيناش بنطلب تغير من حد

لما مانحبش حد ولا مايعجيبناش حد نخلعه او نطرده ونروحه بلده وننزله علمه ونحرقهوله كمان

بايدنا ومن غير ولا اسلحه ولا مساعدات بلاي ستشن امريكانى

بايدنا بغير


وبجد معقول احنا كده وشعبنا كده وفجاه نبقى كده بعد الذل والهوان ده كله


الف حمد لك وشكر ليك يارب

فعلا ان لايغير مابقوم حتى يغيروا مابأنفسهم
ومن تقرب الى شبرا تقربت اليه باعا

احنا بس قلنا لا 
لاقينا فتح من ربنا علينا وان ربنا بيساعدنا بايد اعدائنا مش بايدنا

سبحان الله فعلا ربنا مسلط عليهم غبائهم يارب يفضلوا كده


خامسا اخر حاجه

هما مالهم ناس فى الاخوان و ناس فى السلفينن مصاحبين المجلس العسكري وبيدافعوا عنه قوى كده  


انا بسجل اعتراضي المجلس العسكري مش بيحب الاخوان 

طيب ليه الاخوان عاملين كده 
كل ده علشان الانتخابات

خلونا على موقف واحد ونفضل زي مااحنا بنقول للغغلط غلط مش حتى على استحياء عارفه انكم اعترضتوا على وثيقه المبادئ الغير دستوريه  مش اللى فوق دستوريه
انا بعتبرها غير دستوريه

بس حتى لما هاجمتوا هاجمتوا على استحياء
الحاجه الاهم هتفضلوا سايبين الميدان كده كتير لحد امتى


هتسيبوه للنخبه

انتوا كنتوا كرزيه اساسيه من قبل حتى الثوره 
انتوا اللى من الاول قلتوا للظلم لا 

دلوقتى بكل سهوله بتقولا لا هنسيب الميدان ونسيب المجلس العسكري يتصرف بالراحه

ارحمونا فعلا 


انا بعتبر نفسي من الاسلاميين مش بمزاجى انا مسلمه وكلنا مسلمين انتوا وهما وكل واحد

لكن اختلاف الفكر


لكن مفيش بنى ئادم مش مقتنع ان الاسلام دين بس مش سياسه

والا هنعمل ايه فأيه
وان احكم بينهم بما انزل الله


هنعمل ايه فى الايه دي يعنى ومش مجال اذكر الايات


يبقى ماتقوليش فى اسلامى وفى نص اسلامى


فى اسلامي وفى مش اسلامي


فاانت ياسلامي ازاى تسيب مكانك كده للعلمانيين والليبراليين ووووووووو الحاجت الكتير دي اللى فى الميدان


انزل انت وافرض رايك


لكن تقول مش انا اللى دعيت ليها يبقى مش نازل

ولا تقول اصلهم هيشتموا فى المجلس العسكري

ياسيدى انزل انت وماتشتمش

انزل انت واطرد السفير


يعنى معقول اللى يطرد السفير حد غيرك 

معقول يعنى راشيها لنفسك انت وهو


مصر محتاجاكم والميدان مستنيكم

ومحاكمه مبارك ومحاميه فريد الديب محاتجينكم تطلعوا تقولوا لا انا معترض 

انا مسلم مصري فخور دينى بحب بلدى ومفيش حد هيسرقها منى


اخر حاجه يااخوان وياسلفيين نداء هام


لاتشرب الدواء الدواء فيه سم قاتل


يااخوان وياسلفيين

انزلوا الميدان ارجوووووووووووووووووووووووووووكم انزلوا




تصعيد تركي وتهدئة إسرائيلية بلا اعتذار


ردت إسرائيل على التصعيد السياسي والإعلامي التركي بمحاولة للتهدئة والدعوة لإصلاح العلاقات، في حين أبدت أنقرة غضبا على رفض إسرائيل الاعتذار عن قتل تسعة مواطنين أتراك عام 2010، واعتبرت أن تقرير لجنة بالمر الأممية بشأن الاعتداء على أسطول الحرية "كأنه غير موجود".

وقال مسؤول حكومي إسرائيلي اليوم الجمعة إن إسرائيل تأمل في إصلاح العلاقات مع تركيا بعد أن طردت أنقرة السفير الإسرائيلي وعلقت الاتفاقات العسكرية مع إسرائيل.

وكان وزير الخارجية التركي أحمد داود أوغلو قال في وقت سابق اليوم الجمعة خلال مؤتمر صحفي عقده في أنقرة، إن بلاده قررت طرد السفير الإسرائيلي وخفض التمثيل الدبلوماسي مع إسرائيل إلى مستوى السكرتير الثاني، كما قررت تعليق اتفاقاتها العسكرية مع إسرائيل، وذلك على خلفية رفض الأخيرة الاعتذار عن مداهمتها العام الماضي أسطول الحرية وقتل تسعة أتراك على متن السفينة مرمرة، مشيرا إلى أن السفير الإسرائيلي سيغادر يوم الأربعاء على أقصى حد.

واعتبر أن الحكومة الإسرائيلية مسؤولة عن موقفها، قائلا "حان الوقت كي تدفع إسرائيل الثمن". وأشار إلى أن أنقرة لن تتراجع حتى تلبي إسرائيل مطالبها لحل أزمة أسطول الحرية، وأن تركيا لا تعترف بشرعية الحصار الإسرائيلي لغزة.

وتأتي هذه التصريحات عقب نشر صحيفة نيويورك تايمز الأميركية على موقعها الإلكتروني تقريرا أعدته لجنة شكلتها الأمم المتحدة برئاسة رئيس وزراء نيوزيلندا السابق جيفري بالمر للتحقيق في ظروف الاعتداء الإسرائيلي على أسطول الحرية العام الماضي ومقتل 9 متضامنين أتراك، وقد اعتبر التقرير أن حصار إسرائيل البحري لقطاع غزة قانوني، كما اعترف بأن الجيش الإسرائيلي استعمل "القوة المفرطة واللامنطقية" في تعاطيه مع أسطول الحرية.


خطوة أولى
وعن القرارات التي أعلنها أوغلو، قال الرئيس التركي عبد الله غل إن تصريحات وزير خارجيته بهذا الشأن تعبّر عن موقف الدولة التركية.

وقال غل "في الواقع، جرى اتخاذ تلك التدابير في وقت سابق، ولكن في محاولة لمنح فرصة للجهود الحميدة لبعض الدول الحليفة، انتظرنا حتى اليوم".

وأضاف "ربما لم تستطع دوائر بعينها أن تفهم إصرار دولتنا على حماية حقوق مواطنينا دوما. وتمثل التدابير التي أعلنت اليوم الخطوة الأولى. يمكن اتخاذ المزيد من التدابير مستقبلا وفقا لتطورات الأحداث وموقف إسرائيل".

وقال إن الحكومة الإسرائيلية تفتقد أي مصداقية أو إستراتيجية. وأوضح أن بلاده تريد السلام والاستقرار في المنطقة، وأنه من أجل تحقيق هذا الهدف يتعين على إسرائيل أن تتخذ خطوات.

وردا على سؤال بشأن عدم إشارة تقرير بالمر إلى تقديم اعتذار إلى تركيا، قال غل "مثل هذا التقرير ليس له وجود بالنسبة لنا".

يذكر أن تركيا سحبت سفيرها من إسرائيل مباشرة بعد عملية مداهمة أسطول الحرية العام الماضي.


إسرائيل تأسف
وردا على القرار التركي، قال بيان صدر عن مكتب رئيس الوزراء الإسرائيلي بنيامين نتنياهو إن إسرائيل "تعرب مرة أخرى عن أسفها عن حالات القتلى التي وقعت على السفينة لكنها لن تعتذر عن ذلك".

وأكد البيان أهمية العلاقات التاريخية ماضيا وحاضرا بين الشعب التركي وإسرائيل، وأضاف "على ضوء ذلك قامت إسرائيل بمحاولات عديدة خلال الأشهر الأخيرة لتسوية الخلاف بين البلدين ولكن للأسف الشديد لم تتكلل هذه المحاولات بالنجاح".

وأوضح البيان أن "إسرائيل تأمل أن يتم إيجاد طريق للتغلب على هذا الخلاف وتؤكد تصميمها على مواصلة الجهود الرامية إلى ذلك". وقال البيان إن "السفير الإسرائيلي في تركيا أنهى ولايته قبل عدة أيام وفارق زملاءه الأتراك، وكان ينوي العودة إلى إسرائيل خلال الأيام القريبة على أي حال".

وعن التقرير الأممي، قال البيان "إن إسرائيل تتبنى تقرير لجنة بالمر الخاص بالسفينة مرمرة مع تحفظات".

وأشار البيان إلى أن "هذا التقرير الذي تبناه الأمين العام للأمم المتحدة يعد وثيقة مهنية وجدية ومعمقة تتطرق إلى أحداث القافلة البحرية (أسطول الحرية) يوم 31 مايو/أيار 2010".

وكان مسؤول إسرائيلي رفيع قال في وقت سابق اليوم إن بلاده ستقبل التقرير الأممي مع بعض التحفظات. وأضاف المسؤول دون الكشف عن اسمه لوكالة الصحافة الفرنسية "سنعلن قبولنا للتقرير بعد نشره رسميا، مع بعض التحفظات"، مشيرا إلى أن التقرير يعترف بقانونية الحصار البحري الذي تفرضه إسرائيل على قطاع غزة.

وقال المسؤول الإسرائيلي "يظهر التقرير أن الحصار البحري في حد ذاته وتطبيقه يتماشيان مع القانون الدولي".

وكان التقرير الدولي قد أشار إلى أن "الحصار البحري جاء كإجراء أمني مشروع بهدف منع دخول الأسلحة إلى غزة بحرا، وتطبيقه يتماشى مع متطلبات القانون الدولي".

تحفظات
وتتعلق التحفظات الإسرائيلية بالانتقاد الصريح الذي وجهه التقرير لما وصفه بالاستخدام "المفرط واللامنطقي للقوة" من جانب جيشها الذي داهم الأسطول، مما أسفر عن قتل تسعة من ركاب سفينة مافي مرمرة.

وقال التقرير "كان قرار إسرائيل السيطرة على السفن بهذه القوة وعلى مسافة كبيرة من نطاق الحصار ودون تحذير مسبق، مفرطا ولا منطقيا".

وقال المسؤول الإسرائيلي إنه "يتعين على البلدين (إسرائيل وتركيا) القبول بنتائج التقرير وتوصياته".

ودعا التحقيق إسرائيل إلى التعبير عن أسفها إزاء المداهمة فضلا عن دفع تعويضات لأسر الأتراك الثمانية والأميركي من أصل تركي الذين قتلوا في المداهمة، إضافة إلى دفع تعويضات للمصابين.

ترحيب فلسطيني
في هذه الأثناء رحبت فصائل فلسطينية بقرار تركيا تعليق اتفاقاتها العسكرية مع إسرائيل وتخفيض التمثيل الدبلوماسي إلى مستوى السكرتير الثاني.

واعتبر المتحدث باسم حركة المقاومة الإسلامية (حماس) سامي أبو زهري القرار التركي "ردا طبيعيا على الجريمة الإسرائيلية ضد أسطول الحرية وإصرار الاحتلال على رفض رفع الحصار عن غزة".

كما رحبت حركة المقاومة الشعبية بقرار تركيا، وقال المتحدث باسم الحركة خالد الأزبط "إن هذا ما عهدناه من تركيا التي أكدت وقوفها الدائم إلى جانب حقوق شعبنا الفلسطيني في كل المواقف والتي تعتبر اليوم الحليف الأول للشعب الفلسطيني في ظل المتغيرات القائمة في المنطقة".

من جهتها رحبت حركة "أنصار المجاهدين" وجناحها العسكري "كتائب المجاهدين" بالقرار التركي، وقالت في بيان "نحيي موقف تركيا حكومة وشعبا على مواقفهم الداعمة لفلسطين وقضيتها العادلة"، داعية تركيا إلى "تصعيد مواقفها المشرفة وصولا إلى إنهاء العلاقات مع الاحتلال".

Newer Entries » « Older Entries

اخر الاخبار

There was an error in this gadget

Pages

عن المدونه

هذه مدونه شخصيه لصاحبتها جيجي والعالم


بمعنى ان كل اللى فيها يخص جيجي والعالم وافكارها الفضائيه المجنونه

اللى اهم حاجه فيها انها حره فيها

مش هي دي الديمقراطيه يادعاه الديموكراسي

مدونتى هذه هي انا

(إِنَّا نَحْنُ نُحْيِي المَوْتَى وَنَكْتُبُ مَا قَدَّمُوا وَآَثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ) [يس : 12]

صلى الله على محمد صلى الله عليه وسلم

صلى الله على محمد صلى الله عليه وسلم
اجمل مكان رحته فى حياتى سلاما لأهل هذا البلد

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ

أوقات الصلاة لأكثر من 6 ملايين مدينة في أنحاء العالم
الدولة:

I favor the Syrian Revolution

I favor the Syrian Revolution

مش المهم انا مين المهم هبقى ايه

اخلص دعاء ممكن تسمعه -اللهم تقبل منك ياابي واجعله ربي برحمتك وفضلك فى الفردوس الاعلى من الجنه

حتى لاننسي

انت رجل وان كنت لا اعرفك

انت رجل وان كنت لا اعرفك
ربنا يعزك زي ماانت محسسنى بالعزه

ثوره على ضفاف النيل

ثوره على ضفاف النيل
اللهم تم علينا النعمه وول علينا خيارنا ولاتول علينا شرارانا

فرحه مصر

فرحه مصر
يااااااااااااااااااااه يامصر انا بحبك قوى

فرحه مصر

فرحه مصر
انا مسلمه مصريه وافتخر

اللهم احسن خاتمتنا وتوفنا وانت راض عنا

اللهم احسن خاتمتنا وتوفنا وانت راض عنا

الفريق سعد الدين الشاذلى

الفريق سعد الدين الشاذلى
اللهم اجزه عنا خير الجزاء واجعله عندك مع النبيين والصديقين والشهداء

الفريق سعد الدين الشاذلى : الولاء لله اولا

اشاره مرور المدونه اوعى تمشي فى الاتجاه العكسي