الصومال ورمضان

اسفه على الصوره بس لازم نشوف الحقيقه بقه

الاول كل عام وانتم بخير

وخلونا نقول زي الصحابه ماكانوا بيدعوا

اللهم سلمنا الى رمضان وسلم رمضان لنا وتسلمه منا متقبلا

واغفر يارب لاغلى انسان فى حياتى الى اخر العمر ابي حبيبي ربنا يرحمه رحمه واسعه ويجعله الى جوار النبيين والصديقين والشهداء

طبعا موضوع الصومال ده قتل بحثا

بس انت اتبرعت ولا لسه

صلى الله عليك ياحبيبي يارسول صلى الله عليه وسلم

يعنى ايه بقه

يعنى سيادتك لما تسمع ان في حد محتاج فى اي مكان تدفع من غير ماتفكر ريح مرسله

مش تقولى ماهى مش بتوصل

واحد تانى يقول هنا اولى

تالت يقول العشوائيات اولى

رابع يقول المرضى اولى

انا معاك بس ماتحط فى كووووووووووووووووووول ده

ادفع يااخى انفق ينفق عليك

طيب الشق التانى فى رمضان

احنا فى رمضان بنفطر ايه وبنشرب ايه

عرقسوس وتمرهندى قمر الدين الى مالانهايه دى الشرب بس

لسه بقه المكسرات والياميش

عارف بقه فى الصومال مفيش ميه

جفاااااااااااااااااااااااااااف

يعنى حيوانات نفقت
يعنى ارض بارت

يعنى زرع مات

كارثه بجد

حرام يبقى هنا ناس متحيره تاكل ايه ولا ايه وتبدا بايه الاول وايه قبل التراويح وايه بعدها وللاسف كلنا كده

وهناك ناس متحيره لما وجبه تيجي مين فيهم ياكل الاول

بجد ده حصل

ام لرضيعين واحد فطيم وطفل رضيع

الفطيم شارف على الموت

والرضيع تقريبا فى اخر لحظاته فى الحياه

الام هنا عندها وجبه واحده جيالها تبرع

وهنا هى متحيره اى طفل تديله الوجبه

هل لها علشان ترضع الطفل

ولا تديها لاخوه الكبير

تنفع فزوره واحنا فى رمضان

وشتان بينا وبينهم

وربنا يغفر لنا تقصيرنا

ويرحمنا بجد وكل ३ دقايق طفل بيموت

التبرع طبعا فى نقابه الاطباء لجنه الاغاثه الانسانيه

موقع اتحاد اطباء العرب – لجنة الاغاثه والطوارىء

ورقم حساب بنك فيصل

212051 بنك فيصل فرع 26 يوليو

فهل من مشمر

عن المدونه

هذه مدونه شخصيه لصاحبتها جيجي والعالم

بمعنى ان كل اللى فيها يخص جيجي والعالم وافكارها الفضائيه المجنونه

اللى اهم حاجه فيها انها حره فيها

مش هي دي الديمقراطيه يادعاه الديموكراسي

مدونتى هذه هي انا

(إِنَّا نَحْنُ نُحْيِي المَوْتَى وَنَكْتُبُ مَا قَدَّمُوا وَآَثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ) [يس : 12]

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ