امن الدوله بيتحرق


ايه بتقول ايه
انت اهبل ياابنى

امن الدوله ايه اللى بيتحرق ده امن الدوله

امن الدوله


ده انتوا طلعتوا جبانه قوى فعل امابتعرفوش غير فى الضرب والتعذيب وكنتوا بتترعبوا من معتقلى الراي لما بيردوا مجرد رد عليكم وهما عزل وكنتوا تزودوا التعذيب
جبانه جبانه جبانه


ياخبر ياجدعان
ده الجهاز اللى راعبنا طول السنين اللى فاتت
عايز تفهمنى ان الجهاز ده ينتهى فى ربع ساعه


والمتظاهرين الرجاله الرجاله قوى يدخلوه ويفتشوه ويطلعوا المساجين


انا برده والله اتخيلت ان ممكن كلامى البوست اللى فات ممكن يتحقق واننا ندخل نتفرج على مبانى امن الدوله قصدى هباب الدوله
بس بجد ياجماعه طلعت احلامنا مشروعه

طلع اننا ممكن نحلم
ومهما كان الحلم بجد ممكن يتحقق


ياجماعه ده فى ربنا


حتى امبارح لما قالوا ان بيفرموا الورق وانا كنا نفسي بصراحه اخد المكنه دى وافرم فيها ظباط امن الدوله
الله الله
هو مش الجزاء من جنس العمل

جنس العمل ايه هما اللى عملوه ممكن يتصور

اقرا فى الدستور الاصلى عن المؤتمر اللى اتعمل امبارح وان اعضاء فى الجهاد الاسلامى قالوا شفنا مالم يمكن ان يتخيله بشر ومارضيوش يقولوا حصل ايه بالظبط

خدوا بالكم كان فى مؤتمر من كام يوم ذكر فيه شهادات مريعه مروعه




يبقى فى كمان حاجات ماتتحكيش


يارب ولع فى امن الدوله دنيا واخره






بس انا فعلا امبارح كان هيجيلى انهيار عصبي من حرق الورق ده




ياجماعه ده غير انها هتدينهم بس دى كمان فيها كل المصايب اللى اكنت فى الدوله

سياسه بقه واقتصاد ووو


اه انت عرفتوا كمان ان الملف الوحيد اللى اتسرق من الجهاز المركزى للمحاسبات كان كلف المواد المسرطنه

غير كده اي ملف مش عاجبهم حرقوه الا الملف ده اتسرق لا وجود لاى قصاصه فيه


ياترى كان هيجيب مين


بصراحه انا هتجنن قر يب من عبد المجيد محمود

على راي واحد بيقول منع من السفر بعد ماسافروا وتحفظ على اموال بعد مافيش اموال
وتحفظ على مستندات بعد مااتسرقت واتحرقت واتفرمت المستندات يارب يتفرموا فى جهنم

اعذرونى انا منفعله بس انا فعلا هتجنن من حرق المستندات ده

بس مهما كان فى ربنا مفيش حاجه تضيع باذن الله وحتى اذا برنامج السوفت وير اللى قالوا انه بيرجع محتوى الورق ده مانفعش


انا واثقه فى الله
مش علشان انا كويسه لكن علشان عارفه ان الناس اللى اتبهدلت دى ربنا مش هيضيع حقها ودعاء المعتقلين دول ربنا هيستجيبه وهنشوف فيهم ايه
يارب ارنا فى هباب الدوله ايه

سوري ماينفعش نقول عليه غير كده


ماتخلونا نحلم

ونقول كل احلامنا هتحقق وكل واحد غلط هيتحاسب وفلوسنا هترجع

ينفع نحلم الحلم ده
اخر حاجه سلام للاسكندرانيه

بجد انتوا فعلا اجدع ناس
انتظروا الفيديوهات بعد قليل


معلش حاجه كمان ادعو جامد للمتظارهين امام امن الدوله فى اكتوبر

انباء ان بعضهم دخلوا جوه وانقطعت الاتصالات واتليفوناتهم غير متاحه ومصير المتظاهرين مجهول

ربنا معاهم ربنا معاهم

ربنا مع ولادك يامصر




قنابل المولوتوف تلقى على المتظاهرين من داخل امن الدوله بالاسكندريه


video

فرم الاف الاوراق داخل مبنى امن الدوله بالاسكندريه

video



الجيش يؤمن مبنى امن الدوله فور اقتحامه



video