الشباب امس امام السفاره الاسرائيليه



الصوره دى للشباب بيصلوا المغرب امام السفاره الاسرائيليه فى الجيزه




ودى صوره للميدان امبارح بعد فض الاعتصام

ليله امس كانت ليله غريبه لان الاوحد كان زعلان وفرحان



طيب خلونا فى موضوع فرحان دى علشان نبدا بحاجه فيها تفاؤل لينا وليكم ولان الخبر فعلا يستاهل يكون الاول

الخبر هنا


بصراحه لما حصل التصعيد الاسرائيلى الاخير كنت زعلانه من الصمت العربي وخلونا بلاش نقول الكمه دى تانى لان اعتقد باذن الله هى راحت يوم ماراح مبارك

لان كلام وزير الخارجيه فيه قوه الى حد ما ماشفنهاش من زمان والى حد ما هنا لان انا طماعه وعايزه اكتر

المهم لما لاقيت الشعوب كلها مفيش حد بيتكلم عن التصعيد الاسارئيلى ومفيش مظاهرات زي زمان اول مطلب للجماهير قفل سفاره وطرد سفير كنت زعلانه بس قلت الشعوب معذوره ماهى بتدور على حريتها الاول واللى هى فعلا رقم واحد لكن قتل الفلسطنيين مش بيستنى لما الشعوب تاخد حريتها ومستمر

لكن قلت برده الشباب فعلا معذور ماهو لما تسمع ان سوزان مبارك كان عندها كزمه او جزمه او شوز ب १४ الف يورو وبينور يبى يجيلك هبل فى عقلك على طول ساعه ماتسمع كده وتنسى كل حاجه


لكن اللى راحوا امبارح اكدوا انهم مش بينسوا وانهم شبابا عارف عايز ايه وان الثوره دى طاهره وناجحه باذن الله مش زي المتشائمين ماشايفينها

حقيقى فكره انهم يروحوا ويتزلوا العلم الاسرائيلى -ربنا يلعنه هو انا كده هبقى نعاديه للساميه طيب خير الحمد لله-واللى فى المكتب يجروا زي الفيران ويتقفل المكتب يبقى العيال دي رجاله

واللى جاي باذن الله احسن

بالنسبه للمدعوه اسرائيل احنا قربنا وجايين باذن الله ناخد فلسطين مش غزه

احنا ارضنا فلسطين كلها لاينقص منها شبر
ربنا يعزكم ياشباب زي ماانتوا جبتولنا العزه

على فكره انا مش بنقد معاهده ولا فرحانه بنقد معاهده بس فى حاجتين اولا احان ماوفقناش على المعاهده وبيها ومن غيرها اسرائيل بتضرب حدودنا ولسه حتى ضرب حدودنا من كام يوم

الحاجه التانيه ان دى رساله حاجه تقولهم اننا لما قمنا بالثوره ماكنش علشان نفسنا ولا كل واحد وبلده وخلاص
لكن علشان عزه العرب والمسلمين
علشان حريتنا وكرامتنا
علشان وضعنا الطبيعى اللى لازم نبقى فيه


الخبر بقه اللى يزعل هنا


طبعا هو فض ميدان التحرير امس بالقوه من الجيش

خلونا نرجع لورا شويه وقبل مايوم الجمعه يبدأ علشان نبقى منصفين

اولا
مش حصل قبل كده والجيش ضرب كل معتصم فى وقت حظر التجول طيب حظر التجول بقى تلات ساعات يعنى مااكنش فى عقل يروحوا التلات ساعات دول وييجوا ده على اسوء الفروض
ليه يعنى لازم نستفز الجيش مع انه نبهنا قبل كده (على فكره انا معاكم ان التظاهر غير الاعتصام وان نتوا ماكسرتوش حظر التجول بس الجيش واخدها انها استفزاز ماكنش بنفع يعنى نمشي الكام ساعه دول)








صوره للميدان امبارح بعد فض الاعتصام
ثانيا
فى ناس صوتها اتنبح امبارح فى المدونات والمواقع الاكترونيه والجرائد ياجماعه ماتسمعوش للمجانين اللى بيقولوا انهم فى الجيش

مبدئيا طلعوا واحد منهم هربان من الجيش وواحد تانى متزوج نرويجيه وده ممنوع زي ماهو معروف والتالت متهم بالتخابر مع جهه اجنبيه

يعنى كلهم مفصولين او هربانين مش دول اللى امشي ورا كلامهم

وفى نفس النقطه معروف ان اي فرد فى الجيش ممنوع يتظاهر لانها تعتبر خيانه عظمى ويضرب بالنار فورا

لما تبقى من عايز تعمل انقلاب اعمل زي الظباط الاحرار ايام ५२ كل الجيش ينقلب على واحد

لكن تروح تعتصم فى التحرير وانت عارف ان ده مخالفه للاوامر يبقى ايه
والاهم انه مش هيجيب نتيجه

على فكره انا مش زعلانه خالص من ظباط الجيش اللى اعتصموا لانهم وطنيين زينا ويمكن اكتر انا زعلناه من الكدابين والنصابين اللى ضحكوا عليهم امثال البيه اللى عايش بره اللى اسمه عمر عفيفى
اللى انت ولا عارفله اصل ولا فصل وبيحركنا زي الماريونت من امريكا وعنده معلومات ماتفهمش بيجبها منين
غير كده انا مايعجبنيش كل واحد بيحرك الناس من بره وهو قاعد فى التكييف زي اللى يقولوا ده مفجر ثوره الشباب وهو جه صلى الجمعه يوم ثوره الغضب وقالوا شارك الشباب

ماكفايه ضحك على عقولنا بقه وخلونا نقول راينا بحريه ومش اكراه يعنى نحب حد

خلينا فى موضوعنا ارجوكم بلاش نسمع لعمر عفيفى ارجوكم

ثالثا بثينه كامل قالت الضرب كان فى الهوا
الناس امبارح فى التحرير قالت ان ظباط وعساكر الجيش كانوا بيعيطوا ومش عايزين يضربوا لكن واضح ان كان فى اوامر

رابع حاجه ودي غريبه انهم قالوا ان الجيش كان بيلم الفوارغ بعد مافض الاعتصام شئ غريب يعنى لما هو المفروض عنده اوامر ليه بيلم اثار اللى حصل فى حد على تويتر مااعرفش ايه مصدره قال ان دى فرقه عمليات خاصه

على فكره امبارح الامن المركزى كان ماشي ورا الجيش جبنا من يومهم مفيش فيهم فايده

لكن شوفوا الجيش بيعملنا ايه

ارجوكم تشوفوا اللينك ده عن اللى حصل امبارح للواء حمدى بدين قائد الشرطه العسكريه



بيان الجيش رقم 34 عما حدث امس


بيقول ان اللى عمل ابراهيم كامل ليه يد فى اللى حصل امبارح وامر بالقبض عليه

وهنا صور ان الجيش كان بيضرب رصاص فيشنك






دى اخر الاخبار من ميدان التحرير

إنسحاب تاااااااام لكل قوات الجيش والأمن المركزى وكافة القوات من وسط البلد بشكل مريب ।
المصدر شاهد عيان من ميدان التحرير

محاولات لاقتحام مجمع التحرير وسرقته من قبل بعض البلطجية، واللجان الشعبية تتصدى لهم الآن وتحمي المجمع. المصدر الشروق



آلاف المتظاهرون يتجمعون في التحرير مرة أخرى ويطالبون بإسقاط المشير
المصدر المصري اليوم



ارجوكم نبطل استفزاز للجيش ارجوووووووووووووكم ابوس ايديكم

ارجوكم الجيش واحنا ايد واحده وهنفضل ايد واحده ارجوكم ركزوا فى اللى احنا اعقلوا الامور

هنفضل باذن الله الجيش والشعب ايد واحده



دى فيديوهات لما حدث امس فى ميدان التحرير





video





video





video