مبارك وولاده اللى خربوا حبيبتى مصر وولاد مصر اتحبسوا

قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ


الخبر اهو


النهارده وانا بسمع اغنيه يابلادي يابلادي انا بحبك يابلادي

يابلادي يابلادي انا بحبك يابلادي


بجد ليها طعم تانى
النهارده بكيت تانى بس من الفرحه


حساهم حبايب قلبي ولا حبايب غيرهم بيقولوها لينا


مهما قلنا ماحدش عمل غيرهم

ماحدش اخلص زيهم

ماحدش حب مصر زيهم

كان لازم ربنا يجيب حقنا

كل شويه كانوا يخوفونا ويقولوا مش ممكن مبارك يتحاكم



لا ممكن


فى ربنا ماتنسوش

اوعى تنسي واوعى تنسي


يفرموا ورق

يحولوا فلوس


يبيعوانا حتى لاسرائيل

برده حقنا هيرجع


هيرجع لان فى قادر معز مذل


قال فى كتابه العزيز انه من يتق ويصبر فانه لايضيع اجر المحسنين

وقال وماربك بظلام للعبيد

مش ممكن شهيد ولا مصاب وشعب شرب الذل والعار 30 سنه حقه يروح


مش ممكن معتقل اهله بقالهم كااااااام سنه عايزين بس يعرفوا عايش ولا ميت


مش ممكن حقهم يروح ولا حقه يروح


مش ممكن واحد اتدهن جسمه بجاز علشان لما يصعق بالكهربا يتحرق وهو ماعملش حاجه


مش ممكن دم كل دول يروح هدر


اسمع بنى ءادم يقولى بقى ده ابوكم وانا اسف يازفت وكده


والله اخد فيها اعدام النهارده

وانا بحلف

الظلم وحش

وحرقه القلب وحشه قوىىىىىىىىىىىىىىىىىىىىىىىىىىىى
ودى حرقه ام

اكيد مننا داق الظلم مره اتنين تلاته حتى


لكن اللى شاربه 30 سنه فى عمره واكله وشربه وشغله وولاده وامين شرطه معفن ييجى فى نص الليل ياخده ورا الشمس



ايه ياجمال حاجه نفعتك دلوقتى


الذل اللى كنت كسره للشعب اللى ماعملكش اي حاجه نفعك دلوقتى



وانت يازيكو ياللى كنت كاسر مناخير كل انسان


هااااااااااااااااه ايه الاخبار دلوقتى


تخيلوا انه قال للشيخ الشعرواى ازاى تحط ايدك على مبارك



ايه يعنى مبارك ده يعنى


ياسلام مانحطش ايدينا عليه

والله

على اساس انه تحفه اثريه ممنوع اللمس

فعلا هو كان تحفه

انتى فين ياماما سوزان ياللى احنا كنتى بتقولى ولادك


ليه قتلتينا



ليه قتلت كل الناس دي


ليه قتلتى عقل جيل كامل



ايه عندك يستاهل يعنى

كرسي وسلطه ونفوذ

اقول ايه حسبي الله ونعم الوكيل

منكم لله


بس رجاء واحد علشان اطمن


ارجوكم بلاش يشوفوا بعض فى السجن

انا بصراحه الحته دى قلقانى جدا

ده اجتماع لجنه سياسات على راي واحد على تويتر

انا عندى جراج تحت السلم

هاتوه بس وماتخافوش على سلامته الامنيه


هاتولى جمال وانا ادافع عنه بدمى لحد مايجيب فلوسنا


وفى ناس اعرفها كتير مستعده تدافع عن كل واحد


ممكن نلاقى اوضه فى بيت الشهيد سيد بلال ممكن يتحفظوا على العادلى

ماتقلقوش هناخد بالنا منهم على الاخر لحد مانجيب اعترافاتهم وفلوسنا


وبعدين نضربهم بالجزم زي المهندس حسب الله الكفراوى وبعدين نعدمهم



يااااااااااااااااه




انا نفسي ابقى رئيس جمهوريه بجد



علشان بس اطبق عقوبه الضرب بالجزم لكل واحد يمس شعره من مصر ولا ولاد مصر


اه ويكون فى ميدان عام


مره فى التحرير
ومره فى المنشيه فى اسكندريه
ومره فى حي الاربعين فى السويس

مايستاهلوش غير كده

الفكره هل هيتاثروا


يعنى جزمه لما تضرب بالجزمه

هتحس مش عارفه

هما معدومين الاحساس

انا مستعده ابطح دماغ واحد دلوقتى واروح طره

واخد جمال واطلب فديه 70 مليار بس
اه دولاااااااااار مش جنيه

هما ازاى نعدهم دول

على فكره علشان حقوق الملكيه دى فكره واحد على تويتر


المهم انا مستعده انفذها احتجز جمال لحد مايجيب الفلوس


ومامه كل شهيد تضربه مره واحده بس بالجزمه او تشتمه هى حره بقه

المشكله اذا حبت تقتله

مش مشكله ناخد فلوسنا الاول

وبعدين نسيبه ليهم

ارجوكى ياكل ام شهيد افرحى النهارده

ارجوكى عارفه انه لسه حقك مارجعش

بس حاولى ربنا يفرحك طوول العمر باللى ابنك عمله وولادك ولاد مصر كلهم عملوه


يااااااااااااااااااااااااااااااه


فى جسمي نار ورصاص وحديد علمك فى ايدي واسمي شهيد

بودع الدنيا وشايفك يامصر حلوه ولابسه جديد

بحبك يامصر

النهارده حقنا بدأ يرجع

احنا وكل شهيد

النهارده حسيت اننا لما ماسكتناش حقنا بدا يرجع

ولاخر عمرى وعمرنا مش هنسكت لحد كل مظلوم ماياخد حقه وأملنا فربنا وحده


هفتكر وافكرك تانى

قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ